Tajo

An Tajo (Tajo hervez ar spagnoleg ; Tejo hervez ar portugaleg) zo ur stêr hag a red dre al Ledenez iberek, a-dreuz Spagn ha Portugal, ma teu da aberiñ e Lisboa.

An Tajo

Pont war an Tajo, e Lisbon, e Portugal

Red ar stêr

Eieniñ a ra er Montes Universales, er sierra de Albarracín (e proviñs Teruel) e Spagn. Goude redek 1007 km, e tegouezh er Meurvor Atlantel e kêr Lisboa.

En e 816 km kentañ e treuz Spagn hag enni peder c'humuniezh emren (Aragón, Castilla-La Mancha, Kumuniezh Madrid hag Extremadura) ha c'hwec'h proviñs ( proviñsoù Teruel, Guadalajara, Cuenca, Madrid, Toledo ha Cáceres).

Neuze e ra an harz etre Spagn ha Portugal a-hed 47 km, a-raok mont e-barzh ar vro-se . E Portugal e red 145 km, dre rannvroioù Beira Baixa, Alto Alentejo, Ribatejo hag Estremadura, hag enno distrigoù Castelo Branco, Portalegre, Santarém ha Lisboa.

Sede anvioù ar c'hêrioù bras treuzet : Aranjuez, Toledo ha Talavera de la Reina en Spagn; Abrantes, Santarém ha Lisboa, en Portugal.

• 
  E Spagn: e kêr Toledo.
• 
  E Portugal: Tost da Gastelo Branco.
• 
  E Portugal: Ar Pont Vasco de Gama.

Kumunioù

e proviñs Cáceres

• Valdecañas de Tajo
• Valdelacasa de Tajo

e proviñs Cuenca

• Zarza de Tajo

e proviñs Guadalajara

• Baños de Tajo

e proviñs Madrid

• Fuentidueña de Tajo
• Villamanrique de Tajo

e proviñs Toledo

• Albarreal de Tajo
• Alcolea de Tajo
• Añover de Tajo
• Mesegar de Tajo