Tan-gwall
Un tan-gwall zo un tan bras n'eo ket mestroniet gant mab-den hag a c'hall ober kalz a zistruj. Tier, savadurioù, kêrioù zoken, listri ha koadoù eo an traoù a ya da zeviñ dre un tan-gwall alies, penn-da-benn pe evit ul lod anezho.
Dañjerus kenañ eo an tanioù-gwall evit tud ha loened. Gallout a reont mervel pe bezañ gloazet gant ar flemmen hag ar moged, pe o klask tec'hel kuit o lammat eus ur savadur pe ul lestr. Pa grog an tan e vez galvet ar bomperien an aliesañ, ha stourmañ a reont outañ oc'h implijout dour ha produioù evit mougañ an tan. Reoladoù ha reolennoù zo e-pleustr el lec'hioù foran, er savadurioù hag en natur dreist-holl, evit diarbenn an tan, met a-wechoù eo enaouet a-ratozh, ar pezh a zo ur torfed.
Tanioù-gwall brudet en istorAozañ
Setu un nebeud tanioù-gwall kêrioù pe savadurioù brudet dre an istor :
- Henroma e 64 (darvoudel) ha 191 (torfedel a-hervez)
- tan-gwall bras Londrez e 1666 (darvoudel)
- tan-gwall bras Roazhon e 1720 (darvoudel)
- tan-gwall Moskov e 1812 (torfedel)
- tan-gwall ar Reichstag e 1933 e Berlin (torfedel)
- tann-gwall Parlamant Breizh e 1994 e Roazhon (n'ouzer ket ha darvoudel pe torfedel e oa)