Taol-stad Roumania 1944
Taol-stad Roumania 1944, brudet en istor Roumania evel Akt an 23 Eost (roumaneg: Actul de la 23 august), a oa bet un taol-stad renet gant ar roue Mikael Iañ eus Roumania e-kerzh an Eil Brezel-bed d'an 23 a viz Eost 1944. Harpet gant darn eus ar strolladoù politikel, ar roue en doa roet lamm da ouarnamant Ion Antonescu, a oa troet a-du gant an Alamagn Nazi, ha goude ma vije bet freuzet talbenn biz Roumania an Ahel e-tal un argadenn drec'hus gant an nerzhioù soviedel. Al lu roumaniat a oa bet o tisklêriañ un arsav-brezel untuek gant an nerzhioù lu soviedel war an talbenn moldavian. An darvoud-se a oa bet gwelet evel unan dreist evit ar Gevredidi o vont war-raok a-enep nerzhioù an Ahel war Talbenn europat an Eil Brezel-bed.
An taol-stad a oa bet harpet gant Strollad Komunour Roumania, ar Strollad Sokial Demokratel, ar Strollad Broadel Frankizour, ha Strollad Broadel ar Beizanted a oa bet o sevel an holl asambles ar Bloc'had Broadel Demokratel e miz Even 1944.
Ragaozadurioù an taol-stad
kemmañHervez Silviu Brucan, an daou irienner diazez a oa komunourien anvet Emil Bodnăraș ha Lucrețiu Pătrășcanu, hag ar re-se a oa bet e darempred gant ar Roue Mikael evit kregiñ da aozañ an taol-stad a-enep Ion Antonescu. Ar c'hentañ emvod a oa bet etre kannaded ar Roue Mikael hag ar gomunourien a oa bet da noz an 13–14 a viz Even 1944 en un ti perc'hennet kuzh gant ar gomunourien, er 103 Calea Moșilor.