Tongva

An Tongva a oa Indianed, pe henvroidi, a oa o chom e kornad Los Angeles, Kalifornia, a-raok donedigezh ar re wenn.

Maouezed tongva, pe gabrieleño.

Gabrieleño

Gerdarzh

Tongva a dalv kement ha " tud an douar " en o yezh an tongvaeg, eus ar skourr utoaztek.

Gabrieleños

Graet e vez ivez Gabrieleños anezho, pe meuriad Gabrieleño/Tongva (skrivet fall "Gabrieleno/Tongva" a-wechoù ivez) pe Gabrielino/Tongva . Abalamour da c'hiz ar Spagnoled da envel ar meuriadoù hervez ar misionoù katolik tostañ e oant pe Gabrieleño, Gabrielino, pe San Gabrieleño, diwar anv ar Mision San Gabriel Arcángel (Sant Gabriel Arc'hael). Evel-se eo e veze graet eus o amezeien eus ar meuriad Tataviam an anv "Fernandeño" abalamour da mision San Fernando Rey de España.

Levrlennadur

• Johnston, Bernice Eastman. 1962. California's Gabrielino Indians. Southwest Museum, Los Angeles.
• Kroeber, A. L. 1925. Handbook of the Indians of California. Bureau of American Ethnology Bulletin No. 78. Washington, D.C.
• McCawley, William. 1996. The First Angelinos: The Gabrielino Indians of Los Angeles. Malki Museum Press, Banning, California. ISBN 0-9651016-1-4

Gwelout ivez

• O yezh, tongvaeg