Digeriñ al lañser pennañ
State of California
Banniel California Siell California
Lesanv: The Golden State
Sturienn: Eureka
Lec'hiadur California
Stadoù-Unanet Amerika
Kêr-benn Sacramento
Kêr vrasañ Los Angeles
Gouarnour Jerry Brown (D)
Senedourien Dianne Feinstein (D)
Kamala Harris (D)
Yezh(où) ofisiel Saozneg
Gorread 410,000 km² (3e)
 - Douar 404,288 km²
 - Dour 20,047 km² (4.7%)
Poblañs (bloaz 2000)
 - Poblañs 39,536,653 (2017, braspriziet) (1)
 - Stankter 92,6 /km² (11vet)
 - Korvoder dre diegezh $66,636; (13vet)
Degemeret en Unaniezh
 - Deiziad 9 a viz Du, 1850
 - Urzh 31
Gwerzhid-eur Pacific: UTC-8/-7
Ledred 32°30'N da 42°N
Hedred 114°8'K da 124°24'K
Hirder 400 km
Ledander 1,240 km
Uhelder
 - Lec'h Uhelañ Mount Whitney
 - Uhelañ 4421 m
 - Krenn 884 m
 - Izelañ -86 m
Berradurioù
 - USPS (post) CA
 - ISO 3166-2 US-CA
Kenrouedad www.ca.gov

Kalifornia (California e saozneg, stumm ofisiel diwar ar spagnoleg) zo unan eus an 50 Stad kevredet a ya d'ober Stadoù-Unanet Amerika. E mervent ar vro emañ, war aod ar Meurvor Habask, en hanternoz da stad Baja California, a zo e gwalarn Mec'hiko.

En he 410 000 km² ez eus tost da 40 milion a dud o chom, gant se ez eo ar stad pobletañ e SUA, hag an trede brasañ. Sacramento eo e gêr-benn, ha Los Angeles e gêr brasañ.

IstorAozañ

Indianed amerikan, an henvroidi, o deus poblet ar vro, betek ma krogas trevadennerezh an Europeaned e 1769 pa zegouezhas ar Spagnoled war an aodoù. Ul lodenn eus Mec'hiko e teuas Kalifornia da vezañ da vare dizalc'hidigezh ar vro-se diouzh Spagn e 1820. Ne oa bet diorroadur ebet a-raok ma voe aloubet ar vro gant 500 soudard ha moraer stadunanat da vare ar Brezel etre Mec'hiko hag ar Stadoù-Unanet (1846-1848).

Gant feur-emglev Guadalupe Hidalgo e c'hellas ar Stadoù-Unanet prenañ an takad digant ar gollerien. Raktal goude e tesachas ar Fardadeg war an aour 90 000 envroad o tont eus ar Stadoù-Unanet, ha staliet e voe Kalifornia da 31vet Stad an Unaniezh d'an 9 a viz Gwengolo 1850.

ArmerzhAozañ

Kreñvoc'h eo Kalifornia eget 5 eus an armerzhioù pennañ er bed o vezañ ma tegas-eñ 13% eus produadur broadel gros ar Stadoù-Unanet (13 trilion a zollaroù). An obererezhioù armerzhel pennañ eo ar gounezerezh, an dudi, ar greanterezh skañv hag an touristerezh.

Takadoù armerzhel a zo Hollywood e-kichen kêr Los Angeles (sinema), an Draoñienn greiz (gounezerezh), Silicon Valley (urzhiataerezh ha teknologiezh uhel) ha Bro ar gwiniegoù (gwin).

Kêrioù KaliforniaAozañ