Tour-tan Brignogan
tour-tan e Breizh
Tour-tan Brignogan[1], pe Tour-tan Pontuzval[2] (Phare de Pontusval e galleg) zo un tour-tan bihan[3] savet war aod kumun Brignogan, e penn ur begig-douar anvet Beg Paol. Kroget e voe d’e sevel e 1865 ha lakaet e voe da vont en-dro d’ar 15 a viz Gwengolo 1869. Savet eo bet hanter-hent etre tour-tan Enez Werc'h ha tour-tan Enez Vaz, da heñchañ ar bigi a dremen dirak aod dañjerus ar Vro Bagan.
MONUMANT
 ISTOREL |
|---|
 | |
 | |
| Lec’h | Brignogan, Plouneour-Traezh-Brignogan, Bro-C'hall |
|---|---|
| Daveennoù lec'hiañ | |
| Tour | |
| Savet | 1869  |
| Emgefreekaet | 2003 |
| Uhelder | 14,5 metr |
| Uhelder diwar live ar mor | 12,7 metr |
| Statud gladel | monumant istorel rummet |
| Gweladenniñ | ne reer ket |
| Annezet | n’eo ket |
| Gouloù | |
| Uhelder fokalenn | 16 metr |
| Diraez | 10 mil-mor (gwenn), 7 mil-mor (ruz) |
| Doareenn ar sinal | Oc(3) WR 12s |
Un ti-annez zo hag un tour karrezek, dezhañ 14,5 metr a uhelded.
Un tan a-daoleadoù eo hini Brignogan, gant gouloù gwenn ha ruz a vez gwelet betek 10 mil mor (18 km). E 2010 e oa bet lakaet war roll ar Monumantoù Istorel, asambles gant meur a dour-tan all[4].
