Brignogan

Brignogan ([briˈɲoːɡãn]) a oa ur gumun e Bro-Leon e kanton Lesneven, e departamant Penn-ar-Bed, e gwalarn Breizh. An anv gallek Brignogan-Plages a ziskouez fraezh penaos e c'haller divrezhonekaat an anvioù-lec'hioù brezhonek.

Brignogan
An aod kostez Pontusval.
Anv gallek (ofisiel)	Brignogan-Plage
Bro istorel	Bro-Leon
Melestradurezh
Departamant	Penn-ar-Bed
Arondisamant	Brest
Kanton	Lesneven
Kod kumun	29021
Kod post	29890
Maer Amzer gefridi	Jean-Clément Zion 2014-2016
Etrekumuniezh	KK bro Lesneven hag aod ar Mojennoù
Bro velestradurel	Bro Brest
Poblañsouriezh
Poblañs	736 ann. (2014)
Stankter	535 ann./km²
Douaroniezh
Daveennoù lec'hiañ	48° 39′ 55″ Norzh 4° 19′ 29″ Kornôg
Uhelderioù	bihanañ 0 m — brasañ 25 m
Gorread	3,6 km²
Brignogan

Stummoù skrivet

• Brignaugan, XVII^vet kantved.

Gerdarzh

• Bernard Tanguy ː eus an henvrezhoneg bren, hag n anv-den Ogan.
• Hervé Abalain : an dibenn *-an e c'hellfe dont eus *cann, "gwenn".
• Daniel Delattre (2004) : ar ger Plages zo bet staget ouzh Brignogan e 1936 evit lakaat da dalvezout al lec'h kouronkiñ, o vont war gresk adalek an XIX^vet kantved.

Istor

Brignogan, rann eus Plouneour-Traezh, e oa en eskopti Leon. Staget eo bet ouzh hini Kemper ha Leon e-kerzh an Dispac'h Gall.

Kumun Brignogan zo bet distaget diouzh hini Blouneour-Traezh e 1934. Ar barrez zo bet distaget d'ar 7 a viz Mezheven 1935.

XX^vet kantved

Brezel-bed kentañ

• Mervel a reas 40 gwaz eus Brignogan abalamour d'ar brezel.

Eil Brezel-bed

• Mervel a reas unnek den ag ar gumun abalamour d'ar brezel.
• D'an 18 a viz Kerzu 1941 e kouezhas un nijerez Hurricane II kodet NV-? eus ar 44th Squadron eus ar Royal Air Force (aerlu ar Rouantelezh-Unanet) e Brignogan; mervel a reas he levier, douaret eo e bered ar gumun.

Brezelioù didrevadennañ

Brezel Aljeria

• Mervel a reas pevar milour eus ar gumun .

XXI^vet kantved

• Kendeuzet e oa bet gant Plouneour-Traezh d'ar 1añ a viz Genver 2017 d'ober ur gumun nevez : Plouneour-Traezh-Brignogan.

Brezhoneg

• D'ar 7 a viz Gouere 2011 e oa bet votet ar garta Ya d'ar brezhoneg gant kuzul-kêr ar gumun.

Monumantoù ha traoù heverk

• Iliz santez Bernadette.
• Chapel Paol.
• Chapel ar Skluz.
• Peulvan Pontusval
• Monumant ar re varv, luc'hskeudenn.

Bezioù ar C'hommonwealth e bered ar gumun

Bro	Niver a soudarded
Kanada	9 (Morlu) (8 anezhe a zo chomet dianav)
Rouantelezh-Unanet	1 (Aerlu)
Hollad	10

Mervel a rejont e-pad an Eil Brezel Bed, an nijour d'an 8 a viz Kerzu 1941 pa gouezhas e garr-nij (Hurricane II marilhet Z51551 ha kodet NV-?) e Brignogan, ar vartoloded d'an 28 a viz Ebrel 1944, pa voe kaset o bag, an destroyer HMCS Athabaskan, d'ar strad gant an tarzher alaman Elbing T-24.

Emdroadur ar boblañs abaoe 1962

Niver a annezidi

Gevelliñ

• Eglosbrek-Poll an Wragh, Kernev-Veur

Levrlennadur

• René COUFFON et Alfred LE BARS : Répertoire des Églises et chapelles du Diocèse de Quimper et de Léon. 1959. Adembannadur Kuzul Jeneral Penn ar Bed. 1988.
• Bernard TANGUY : Dictionnaire des noms de communes, trèves et paroisses du Finistère. 1990
• Embannadurioù FLOHIC : Le patrimoine des communes du Finistère; 1998
• Hervé ABALAIN : Les noms de lieux bretons. Universels Gisserot. 2000.
• Daniel DELATTRE : Le Finistère. Les 283 communes. Embannadurioù Delattre. 2004.

Liammoù diavaez

• (fr) Ti an douristed
• (br) Brignogan war lec'hienn Geobreizh