Eskopti Kemper ha Leon

Eskopti Kemper ha Leon (Dioecesis Corisopitensis-Leonensis e latin) eo anv an eskopti a zo bet savet e 1801 hag a glot gant tachenn departamant Penn-ar-Bed. Emañ e sez e Kemper. En eskopti-se e kaver an holl barrezioù a oa en Eskopti Leon, ul lodenn vat eus ar re a oa en Eskopti Kernev, un darn eus ar re a oa en Eskopti Treger, un dornadig eus ar re a oa en Eskopti Gwened, hag un nebeudig eus parrezioù Eskopti Dol.

Savet e voe bet palez eskibien Kerne stok ouzh iliz-veur Kemper hag eskibien Kemper ha Leon a voe staliet er palez-se e 1790. Diwar lezenn an disparti etre ar Stad hag an Iliz katolik e voe rediet Aotrou 'n Eskob François-Virgile Dubillard mont da chom e kouent Sant-Jozeb, straed Bertrand de Rosmadec, war harz Kemper e 1907.

Abaoe ar c’henta a viz Gwengolo 2017 ez eus en eskopti ugent parrez nevez (betek hen e oa 323 parrez ha 18 deanded).

Unan eus eskopti Proviñs ekleziastikel Roazhon eo.

Roll eskibien an eskopti

Pennad pennañ : Eskibien Kerne

Pennad pennañ : Eskibien Leon

A-raok ar c'honkordad

• 1790-1794: Louis-Alexandre Expilly de La Poipe
• 1797-1800 : Yves Marie Audrein

Goude ar c'honkordad

• 1802-1804: Claude André;
• 1805-1823: Pierre-Vincent Dombidau de Crouseilhes;
• 1824-1840: Jean-Marie Dominique de Poulpiquet de Brescanvel
• 1840-1855: Joseph-Marie Graveran (marvet war e sez e 1855)
• 1855-1871: René-Nicolas Sergent
• 1872-1887: Anselme Nouvel de la Flèche
• 1887-1892: Jacques-Théodore Lamarche
• 1893-1898: Henri-Victor Valleau
• 1900-1908: François-Virgile Dubillard (marvet 1914).

Abaoe lezenn disparti an Ilizoù diouzh ar Stad e 1905

• 1908-1946: Adolphe Duparc (marvet war e sez e 1946)
• 1947-1968: André Fauvel (marvet e 1983) (eileskob eus 1957 da 1977: Visant Fave)
• 1968-1989: Francis Barbu (marvet e 1991)
• 1989-2007: Clément Guillon (marvet en 2010)
• 2007-2015: Jean-Marie Le Vert
• 2015-…: Laurent Dognin

Liammoù diavaez

• (fr) Lec'hienn ofisiel an eskopti