Tour-tan Penn-Maen

Tour-tan Penn-Maen a zo un tour-tan e beg kornôg enez Groe. Kroget e voe d’e sevel e 1836 ha lakaet e voe da vont en-dro e 1839.

MONUMANT ISTOREL

Tour-tan Penn-Maen

Lec’h	Groe, Frañs
Daveennoù lec'hiañ	47° 38′ 51″ N 3° 30′ 33″ W
Tour
Savet	1836
Emgefreekaet	2003
Uhelder	27,66 milimetr
Statud gladel	monumant istorel enskrivet
Gweladenniñ	ne reer ket
Annezet	ya
Gouloù
Enaouet evit ar wech kentañ	1839
Uhelder fokalenn	60 metr
Diraez	29 mil-mor
Doareenn ar sinal	Fl(4) W 25s

Tour-tan galloudusañ aodoù departamant ar Mor-Bihan eo hini Penn-Maen ha gwelet e vez e c'houloù betek 29 mil (54 km). Gwarded zo ennañ.

Istor

Da vare an Dispac'h Gall dija e oa bet c’hoant da sevel un tour-tan eno, da heñchañ ar bigi da vont da borzh an Oriant. Labourioù a voe boulc’het e 1794 met kouezhañ a reas ar gurun war ar savadur ha paouezet e voe. E 1829 hag e 1834 adarre e voe goulennet gant ministr ar verdeadurezh ma vije savet un tour-tan.

Ur raktres a voe saveet e 1835 ha kroget e voe gant ar chanter e 1836. Adalek 1839 ez eas an tour-tan en-dro, gant eoul da gentañ ha gant gaz eoul da c’houde. Ouzh troad an tour ez eus un ti gant div gambr ha salioù ar mekanikoù. E 1927 e voe lakaet ouzhpenn ur c’horn-boud, en ur savadur all, tostoc’h d’an tornaod.

Ul lodenn vat eus aod Groe, er c’hreisteiz, zo e dalc’h Mirva an Aodoù. E-touez douaroù Mirva an Aodoù emañ beg kornôg an enezenn, el lec’h m’emañ an tour-tan. Eno e vez gwarezet ar plant hag an evned.

Liammoù diavaez

• Tour-tan Penn-Maen e lec’hienn an DIRM NAMO (Direction Interrégionale de la Mer Nord Atlantique-Manche Ouest)
• Ministrerezh ar Sevenadur, base Mérimée, Fichenn tour-tan Penn-Maen
• Tour-tan Penn-Maen, el lec’hienn phares.du.monde.free.fr
• Tour-tan Penn-Maen, el lec’hienn Patrimoine de France