Troadegiezh Morlu Ukraina
Korfad troadegiezh Morlu Ukraina (ukraineg: Корпус морської піхоти України), brudet ivez evel ar Marines ukrainian (ukraineg: Морська піхота України, romanekadur: Morska pikhota Ukrainy), zo un nerzh kas mor ha skourr eus an nerzhioù lu eus Ukraina abaoe 2023. Ar palioù fiziet en aozadur a zo kas da benn oberiadurioù-kas dre vor, kemer perzh e tagadennoù pe difenn arvorioù. Krouet e 1993 ha betek 2023 e oa ul lodenn eus nerzhioù difenn arvorel Morlu Ukraina. Implijet eo evel harp dour-ha-douar, nij ha douar-ha-douar dre an aer, a-wechoù e-unan met ivez e-liamm gant nerzhioù hag unvezioù an tirlu evit aloubiñ arvorioù, inizi, porzhioù, bazennoù morlu, tachennoù kirri-nij nepell diouzh ar mor ha tagañ kement pal enebour nepell diouzh an arvorioù. Gellout a ra bezañ implijet evel nerzh surentez ha difenn bazennoù morlu, arvorioù strategel, inizi pell ha lec'hioù difenn arvorel. Gellout a ra ivez bezañ un nerzh surentez en tachennoù aloubet.
Istor
kemmañHendad Troadegiezh Morlu Ukraina a zo unvezioù troadegiezh Flodad Morlu ar Mor Du, ul lodenn eus Morlu Impalaeriezh Rusia.