Une chambre en ville
Une chambre en ville (Ur gambr e kêr e brezhoneg) zo ur film gall, sevenet gant ar filmaozour breizhat Jacques Demy e 1982.
Fichenn deknikel
kemmañ- Doare : Drama war gan,
- Senario ha divizoù (kanet en o fezh) : Jacques Demy,
- Produour : Production Générale de Films, TF1 Films Production, Union Générale Cinématographique ha Top n°1,
- Skeudenniñ : Jean Penzer,
- Son : André Hervée,
- Sonerezh : Michel Colombier,
- Frammañ : Sabine Mamou,
- Kinkladur : Bernard Evein,
- Gwiskamantoù : Rosalie Varda,
- Prantad filmañ : adalek an 13 a viz Ebrel betek an 3 a viz Mezheven 1982,
- Lec'hioù filmañ : straedoù 'zo eus Naoned (Liger-Atlantel), studioioù Boulogne-Billancourt,
- Deiziad dont er-maez : 27 a viz Here 1982 (Bro-C'hall), 28 a viz Gwengolo 1991 (Stadoù Unanet),
- Padelezh : 88'.
Patrice Martineau ha Denis Epstein a oa bet dibabet da skoazellerien seveniñ er film-mañ.
An danvez
kemmañ1955 : skoet eo Naoned gant argadoù feuls hag harzoù-labour er chanterioù-bigi. Er gêr-mañ e feurm an itron Langlois ur gambr da François Guilbaud, micherour er chanterioù diouzh e vicher. Un noz e kej-eñ gant ur plac'h dianav dezhañ hag int-i da vont d'ul leti ma krog ur garantez hep he far. Édith an hini eo, merc'h e lojerez ha dimezet da Edmond Leroyer : piket he c'halon gant François e tiviz-hi mont diouzh he gwaz a droc'h e c'houzoug dirazi gant an dic'hoanag. Da geñver stourmoù etre ar polis hag an harzlabourerien ez eo ifamet Guilbaud a zo kaset da di vMargot Langlois e-lec'h ma tremen gant e c'hloazadennoù. Aet sot gant ar glac'har ec'h en em lazh Édith war e gorf.
Roll ar gomedianed
kemmañ- Dominique Sanda : Édith Leroyer (eilmouezhiet gant Florence Davis e-keñver ar c'han),
- Richard Berry : François Guilbaud (eilmouezhiet gant Jacques Revaux e-keñver ar c'han),
- Danielle Darrieux : Margot Langlois,
- Michel Piccoli : Edmond Leroyer (eilmouezhiet gant Georges Blaness e-keñver ar c'han),
- Fabienne Guyon : Violette Pelletier,
- Jean-François Stévenin : Dambiel (eilmouezhiet gant Aldo Franck e-keñver ar c'han),
- Anna Gaylor : mamm Violette (eilmouezhiet gant Liliane Davis e-keñver ar c'han),
- Jean-Louis Rolland : Ménager,
- Marie-France Roussel : an itron Sforza,
- Georges Blaness : penn ar CRSed.
Goproù
kemmañTapet e oa bet ar Priz Méliès gant Une chambre en ville e 1982.
Evit d'ar film bezañ kenstrivet e nav rummad da-geñver lid ar Césars e 1983 n'en devoa tapet gopr ebet.