Yves Rocher

Yves Rocher (7 a viz Ebrel 1930 e Gazilieg – 26 a viz Kerzu 2009 e Pariz) a oa un ijinelour war dachenn ar gwezelad.

E vuhez

14 vloaz e oa pa varvas e dad ha d'ar mare-se e tivizas sikour e vamm a rae war-dro un embregerezh gwiaderezh bihan. A-hervez en dije desket digant ur bareerez penaos aozañ un traet diwar louzaouenn an dravoued. Neuze e tivizas Yves Rocher aozañ an traet e solier e di, ha gwerzhañ anezhañ war-eeun d'an dud o doa ezhomm anezhañ.

E embregerezh gwezelad a savas e 1959, ha diazezet e voe war ar gwerzhañ dre lizher ha war implij produioù naturel.

Maer Gazilieg e voe Yves Rocher etre 1962 ha 2008. Dedennet e oa gant buhez politikel hag armerzh Breizh, ha kuzulier-departamant e teuas da vezañ e 1982, ha kuzulier-rannvro e 1992. E 1977 e voe lakaet da Vreton ar bloaz gant skipailh ar gelaouenn viziek Armor Magazine. Urzh an Erminig a voe roet dezhañ e 2002, lakaet e voe da Ofiser al Légion d'honneur e 1992, hag e miz Ebrel 2007 e voe lakaet da Gomandour.

Liamm diavaez

• Lec'hienn ofisiel an embregerezh
• L'Ouest en mémoire (Ina) - Yves Rocher e La Gacilly 1978