An Ac'heron en Epiros.
An Ac'heron en Epiros.

An Ac'heron (Αχέρων / Akhérôn e gregach), pe Akeron[1], zo war un dro ur stêr eus Epiros en Hellaz, hag unan eus stêrioù an Ifernioù hervez mojennoù Hellaz kozh.

An douaroniezhAozañ

Emañ ar stêr o redek en Epiros, e gwalarn Hellaz, damdost da gêr Parga, hag er vro a zo dirak enez Korfou. En em deurel a ra el lenn Acherusia. Div adstêr zo d'an Ac'heron-se: ar Piriflegetontes hag ar stêr Kokitos.

Ar vojennAozañ

 
C'haron o treizhañ Ac'heron an Ifernioù.

Mab eo da Helios, an Heol, ha Gaia, an Douar. Dimezet eo d'an nimfenn Orfne, ha tad eo da Askalafos. Taolet e voe gant Zeus en Ifernioù dre an abeg ma en doa roet e zour d'evañ d'an Ditaned emsavet enep an doueed.

C'haron eo anv an treizher a vez gant e vag o roeñvat war an Ac'heron etre ar melloù kerreg ruilhet-diruilhet gant an doue-stêr.

Pennadoù kar allAozañ

Notennoù ha daveennoùAozañ

  1. Roparz Hemon, Geriadur brezhonek-gallek p. 27.
Muioc'h a restroù diwar-benn

a vo kavet e Wikimedia Commons.