Anne Doat

Anne Doat, bet ganet d'ar 16 a viz Gwengolo 1936 e Neuilly-sur-Seine (Hauts-de-Seine a-vremañ, Bro-C'hall), a zo bet ur gomedianez koulz er c'hoariva, er sinema hag er skinwel.

Anne Doat

Merc'h eo d'al leurenner gall Jan Doat (1909-1988) hag euredet (d'an 9 a viz Eost 1963) e voe da Jean Vautrin (1933-2015). Kregiñ a reas gant he studioù e lise Saint-Cloud ma plije kalz kentelioù he c'helenner war arz ar c'hoariva dezhi. Dont a reas a-benn da gendrec'hiñ he zud aotren anezhi da vont da gentelioù Jean Valcourt (1905-1969) e Skol muzik hag arz an teatr Pariz.
Ne oa ket faziet war he micher rak gopret e voe an aktourez yaouank e miz Kerzu 1957 ha degemer a reas ar Priz Suzanne-Bianchetti evit perzh "Juliette" er film Chiens perdus sans collier. Kemer a reas perzh e meur a zrama ha heuliadenn skinwel (Le Chevalier de Maison-Rouge (1963) en o zouez) er bloavezhioù tri-ugent.
Goude ma voe ganet he zrede mab Julien, e 1977, e reas he mennozh paouez gant he micher dre ma oa-eñ paket gant an aotegezh. Savet e oa bet gant ar c'houblad ar gevredidezh "Autisme solidarité" hag ar greizenn "Oriane" e Barjols (Var) e-tailh da zegemer oadourien skoet gant ar c'hleñved-se.

He naontek film er sinema

• 1940 : Paradis perdu, sevenet gant Abel Gance.
• 1955 : Chiens perdus sans collier gant Jean Delannoy.
• 1956 :
  • Marie-Antoinette reine de France gant Jean Delannoy (eil film a-gevret),
  • Le Coup du berger, film berr gant Jacques Rivette.
• 1958 : Tant d'amour perdu gant Léo Joannon.
• 1959 :
  • La forêt des hommes rouges, film berr gant Jean Lehérissey,
  • Mon pote le gitan gant François Gir.
• 1960 :
  • Le Panier à crabes gant Joseph Lisbona,
  • Le Dialogue des Carmélites gant Philippe Agostini & R.L. Bruckberger.
• 1961 :
  • Arrêtez les tambours gant Georges Lautner,
  • La Fayette gant Jean Dréville,
  • Le Septième Juré gant Georges Lautner (eil film a-gevret).
• 1963 :
  • Carambolages gant Marcel Bluwal,
  • Dragées au poivre gant Jacques Baratier.
• 1964 :
  • Faites sauter la banque ! gant Jean Girault,
  • Trafics dans l'ombre gant Antoine d'Ormesson.
• 1967 : Le Dimanche de la vie gant Jean Herman.
• 1968 : Un diablo bajo la almohada gant José María Forqué.
• 1970 : Teresa gant Gérard Vergez.

He fezhioù-c'hoari...

• (fr) ... war al lec'hienn Les Archives du Spectacle.

Liammoù diavaez

• (en) Anne Doat war Internet Movie Database.
• (fr) Poltred Anne Doat war Les GENS du CINEMA.