Ar Mell Irvinenn (Репка, repka, e ruseg) zo ur gontadenn-bobl eus Rusia, embannet e 1863 gant Aleksandr Afanasiev en e levr Narodnye russkie skazki.

Ar Mell Irvinenn, skeudennet gant Elisabeth Boehm (1887)

Ur gontadenn war-gresk eo, gant un tad-kozh hag en deus hadet un irvinenn hag a deu da vezañ ken bras ma n'hall ket he zennañ e-unan. Neuze e c'houlenn sikour digant ar vamm-gozh, digant ar verc'h, digant ar c'hazh, digant al logodenn.

E ruseg e teu un tamm eus plijadur ar gontadenn gant ar glotenn ka en anvioù: repka (irvinenn), dedka (tad-kozh), babka (mamm-gozh), vnuchka (merc'h-vihan), zhuchka (kiez), koshka (kazhez), myshka (logodenn).

Doareoù all eus ar gontadenn zo bet aozet gant Konstantin Ushinsky (1864), Vladimir Dal (1870), hag Aleksey Nikolayevich Tolstoy (1940).

E brezhoneg kemmañ

Savet eo bet ar skrid brezhonek gant Mark Kerrain hag embannet eo bet ar gontadenn gant Sav-Heol e 2011, skeudennaouet gant Mael Vérot.