Ar bugel fur

Ar buguel fur pe Dialog e(n)tre un doctor hac ur buguel zo ur skrid brezhonek e gwerzennoù eus an XVIII^vet kantved, hep bloavezh nag anv oberour ebet warnañ.

Ur skrid goapaus eo, 464 gwerzenn ennañ, leun a grennlavaroù. Setu amañ an deroù :

DIALOG

Etre un Doctor hac ur Buguel

An Doctor.

Bonjour, Mabig : pelêc'h it-hu ?

Ar Buguel.

Da glasq ur Mestr e zàn un tu.

An Doctor.

Me zo Doctor, ha mar qirit

Me raï scol dêc'h, mar am pedit.

Ar Buguel.

Bet oun er scol gant Doctoret,

Ha tout o c'havàn borodet,

O clasq desqi da beb-unan

Ar pez ne ouzont qet o-unan.

An Doctor.

Petra ne oar an Doctoret ?

Ar Buguel.

Meur a dra zo ne ouzont qet.

An Doctor.

Ha te a oar mui egueto ?

Ar Buguel.

Mar qirit, ni a zisputo.

An Doctor.

Te da zisput ouz un Doctor !

Ar Buguel.

Ho respont a rin gant enor ;

Ha na oufac'h goulen netra

Na roin rêzon dêc'h anezâ.

Kanaouenn

Ur ganaouenn heñvelanvet, an hevelep danvez enni ha sinet « François Le Gall » zo anavezet dre follennoù-nij.

Levrioù

Embannadurioù anavezet

• Montroulez : Ledan, deiziad ebet, 31 bajenn
• Montroulez : J. Haslé, 1872
• Landerne : Desmoulins, 1904