Bamberg

Bamberg zo ur gêr eus Bavaria, en Alamagn, e rannvro Oberfranken. Gant un tammig ouzhpenn 71 000 a dud o vevañ enni ez eo ur gêr a bouez evit ar c'henwerzh hag evit buhez sevenadurel hanternoz Bavaria (Franken).

Ti-kêr kozh Bamberg (Altes Rathaus)

Ur gêr gozh eo Bamberg ha sez un eskopti eo. Savet e voe war seizh torgenn, e-kichen kember ar stêrioù Regnitz ha Main. A-hed ar c'hantvedoù eo deuet da vezañ ur gêrig vrav, dindan ren he friñsed-eskibien. E dibenn an Eil Brezel-bed e voe kalz nebeutoc'h a zistruj e Bamberg eget er c'hêrioù all eus Alamagn, rak ne oa ket diorroet nemeur ar greanterezh enni. Miret he deus eta an neuz a oa ganti gwechall, neuz ur gêr eus ar Grennamzer, ha brudet eo an iliz-veur Sant Pêr ha Sant Jord, savet etre an XI^vet hag an XIII^vet kantved. Abalamaour da gement-se eo bet lakaet Bamberg war roll lec'hiennoù Glad ar bed gant an UNESCO, abaoe 1993.

Brudet eo Bamberg ivez abalamour d'ar bier a vez fardet enni.

Gevelliñ

Gevellet eo Bamberg gant ar c'hêrioù-mañ :

Bro	Kêr	Abaoe
Aostria	Feldkirchen in Kärnten	1959
Aostria	Villach	1959
Frañs	Rodés	1965
Bro-Saoz	Bedford	1971
Hungaria	Esztergom	1990
Republik Tchek	Praha (1añ arondisamant)	1991

Tud brudet

• ar pab Klemañs II a voe eskob Bamberg.

• Bamberg
• 
• 
• 
• 
• 
• 
• 
• 
• 
• 

Liammoù diavaez

• Lec'hienn ofisiel Bamberg