Beauf

Beauf (distaget: [bof]) a zo ur ger gallek, deuet diwar berradur "beau-frère" (breur-kaer), brudet gant Cabu, evit ober anv eus unan bennak, stereotip an den dizesk, diseven, displed, dichek ha spered berr, ha lorc'h ennañ o vezañ evel-se. Disprizout a ra ar merc'hed ha gouennelour eo, ha barrek e vez da reiñ diouzhtu barnadennoù ha soñjezonoù sonn war traoù kemplezh eus ar gevredigezh, hep klask studiañ an afer, met kavout a ra dezhañ eo diazezet e soñjoù war ar "skiant vat", kaset war-raok gant rakvarnioù strizh.

Ar "Beauf" kentañ treset gant Cabu a oa un den kofek ha mourraouek, lonker pastis ha bier. Adalek ar bloavezhioù 1990 e tresas Cabu Le Nouveau Beauf, yaouankoc'h ha muioc'h diouzh "spered kêr", gant ur c'hatogan, prest atav da brenañ traoù diouzh ar c'hiz.

A bep seurt

• Mon beauf’, kanaouenn gant Renaud (1981).
• Le Beauf, film savet gant Yves Amoureux, c'hoariet gant Gérard Jugnot (2009).

Liammoù diavaez

• Pajenn gouestlet d'ar Beauf "mod kozh"
• Skeudenn ur "Beauf mod nevez" gant Cabu