Beg ar Raz
Beg ar Raz zo ur c'hab roc'hellek er c'hornôg da gumun Plougoñ er C'hab (Bro-Gerne - Penn-ar-Bed).
Sevel a ra ar reier greunvaenek betek 72 metrad uhelder a-us ar mor.
Brudet eo ar beg-douar-se dre ar bed en abeg d'e stumm, heñvel ouzh penn a-raok ul lestr, an dolzenn anezhañ o strishaat en ur stumm tric'hornek. Dont a ra gweladennerien e-leizh betek eno, ken ez eo bet ret aozañ ar monedone evit gwareziñ ar gwiskad brug a gresk war al lanneg etre ar reier.
Stad | Frañs ![]() |
---|---|
War ribl | Hirwazh ![]() |
Daveennoù douaroniel | 48°2′25″N 4°44′28″W ![]() |
Statud gladel | Grand site de France ![]() |
![Map](https://maps.wikimedia.org/img/osm-intl,a,48.040277777778,-4.7411111111111,300x300.png?lang=br&domain=br.wikipedia.org&title=Beg_ar_Raz&revid=2070758&groups=_1f314a116b18d564b94b614f3585a3ff50d7d2d7)
![](http://upload.wikimedia.org/wikipedia/commons/thumb/4/46/Iroise_sea_map-br.svg/350px-Iroise_sea_map-br.svg.png)
Aze e c'heller arvestiñ delwenn varbr Carrara Itron-Varia Beg ar Raz, krouet gant ar c'hizellour gall Cyprien Godebski (1835-1909), a oa bet dioueliet d'an 3 a viz Gouere 1904.
An anv
kemmañDont a ra an anv raz (sellout ivez ouzh ar saozneg race) eus ur ger normanek tremenet e brezhoneg hag a ra dave d'ar froudoù kreñv a red etre ar c'hab hag Enez-Sun, 8 kilometr pelloc'h er C'hornôg.
-
Beg ar Raz, gwelet eus Beg ar Van
-
Beg ar Raz, gwelet eus Bae an Anaon
-
Beg ar Raz, hag Enez Sun
-
Barr-amzer e Beg ar Raz
Krennlavaroù
kemmañ- Den ne dremenas ar Raz / Hep santout aon pe c'hloaz.
- Sikourit-me, ma Doue, da dremen ar Raz / Rak va bag a zo bihan hag ar mor a zo bras.