Blues Explosion

The Blues Explosion (John Spencer Blues Explosion berraet JSBX a-wezhioù, daet da vout "Blues Explosion") a zo ur strollad rock-blues a New York. Jon Spencer (kan, gitar), Judah Bauer (gitar) ha Russell Simins (taboulinoù) eo izili ar strollad-mañ.

Garv ha trouzus o sonerezh, un darzhadenn èl meneget e-barzh añv ar strollad, ur meskaj rock-noisy, rock'n roll, blues, soul, hip hop, get ur solo theremin (ur benveg get delezioù hag un tredanvaez a vez kemmet àr-bouez an daouarn é fichal e-tal dezhe, peadra da vouetaat un osilerez (neuennerez) a ra hag a gemm an notennoù sonerezh) ennañ ur wezh an amzer.

E-raok seniñ e-barzh The Jon Spencer Blues Explosion e oa bet Spencer e Pussy Galore ha Boss Hog. Nevez zo eo bet kemmet añv ar strollad da vBlues Explosion nemetken. Drevezañ Elvis a ra Spencer àr ar leurenn : setu soñj tud zo.

Eilet eo bet R.L. Burnside get Jon Spencer Blues Explosion en album "A Ass Pocket of Whisky".

Kenlabouret o deus ivez get Andre Williams (en doa kempennet "Acme").

Pladennoù

Jon Spencer Blues Explosion (1992)
Crypt Style (1992)
Extra Width (1993)
Orange (1994)
Now I Got Worry (1996)
Acme (1998)
Plastic Fang (2002)
Meat + Bone (2012)
Freedom Tower - No Wave Dance Party 2015 (2015)

Sonadegoù e Breizh

Teir sonadeg a zo bet graet gant Blues Explosion e Breizh :

e miz Even 2001 e Kemper, festival Insolent
e miz Eost 2004 e Sant-Maloù, La Route du Rock
e miz Gouere 2005 e Karaez, Gouel an Erer Kozh

Liammoù diavaez

Blues Explosion Lec'hienn ofisiel
Blues Explosion e lec'hienn Matador Records
Holl bladennoù ar strollad e lec'hienn Pop-Catastrophe
"The Spencer Report" : roll holl ganaouennoù hag embannadurioù ar strollad etre 1991 ha 1995
"The Truth About The Jon Spencer Blues Explosion" pennad bet embannet er magazin Penthouse