Pussy Galore (strollad)
| Pussy Galore | |
| Bro orin | Washington D.C., SUA |
|---|---|
| Doare(où) | Noise punk Punk blues |
| Bloavezhioù oberiant | 1985-1990 |
| Label(ioù) | Caroline, Matador, In the Red Records |
| Izili bet er strollad | Jon Spencer Cristina Martinez Julia Cafritz Neil Michael Hagerty John Hammill Bob Bert Kurt Wolf |
| Endro | Boss Hog, Royal Trux, Sonic Youth, Blues Explosion, Heavy Trash, Chrome Cranks, Bewitched |
kemmañ  |
|
Pussy Galore a oa ur strollad sonerien amerikan. Sonerezh was noise punk a veze graet ganto. Savet e voe ar strollad e Washington D.C. e 1985 ha cheñch-dicheñch e voe ar sonerien a gemeras perzh ennañ betek ma vefe divodet e 1990.
Istor
kemmañPa voe savet ar strollad e oa ennañ ar c'haner ha gitarour Jon Spencer, ar gitarour Julia Cafritz hag an tabouliner John Hammill. Da-heul embann ar bladenn 7" Feel Good About Your Body, e teuas ar gitarour Neil Hagerty, hag e plas Hammill e teuas Bob Bert, hag a oa bet tabouliner Sonic Youth. Er strollad e teuas ivez Cristina Martinez evel gitarourez daoust ma ne oa ket sonerez, met tennet he doa poltred golo ar bladenn 7 ha kemeret perzh en enrollañ an EP Groovy Hate Fuck. An EP-se, evel holl enrolladennoù kentañ ar strollad a voe embannet gant o zi-embann anvet Shove Records. A-raok lakaat embann o fladenn EP o doa izili ar strollad embannet krenn-ha-krak o c'has ouzh Ian MacKaye (hag eñ e penn Dischord Records), ar pezh en doa lakaet anezho da vezañ gwelet fall gant an holl a gemere perzh e luskad punk hardcore Washington D.C. Mont a rejont neuze da New York ma lakjont embann ur c'hasedig ma sonent en-dro tonioù Exile on Main Street (Rolling Stones). E miz Genver 1987 e lakjont embann Pussy Gold 5000. Ur pennadig goude ez eas Martinez kuit hag un nebeud bloavezhioù goude e savas Boss Hog.
E miz Gwengolo 1987 e lakaas embann Pussy Galore e bladenn vras kentañ (Right Now!) hag a voe embannet gant Caroline Records. Da-heul embann Right Now! ez eas Hagerty kuit, ha Kurt Wolf a gemeras e blas. Distreiñ a reas Hagerty da-heul embann Sugarshit Sharp tra ma'z eas Wolf da seniñ gant Loudspeaker. Sugarshit Sharp a zo brudet peogwir e kaver enni an ton Yu-Gung (savet gant Einstürzende Neubauten) sonet en-dro gant Pussy Galore en doare rock garage. F.M._Einheit, hag eñ ezel eus Neubauten, a lavaras e oa bet entanet gant doare Pussy Galore da seniñ an ton-se.[1]
E 1989 e voe embannet eil pladenn vras ar strollad, Dial M for Motherfucker he zitl. Fellout a rae d'ar strollad e vefe anvet Make Them All Eat Shit Slowly, met tud Caroline Records a savas a-enep. Ne gemeras ket Cafritz perzh er bladenn a-bezh, ha goude embann ar bladenn-se e kuitaas ar strollad. Er memes bloavezh e lakjont embann div bladenn single split : an eil gant Tad (embannet gant Sub Pop Records) hag eben gant Black Snakes, embannet gant an ti-embann japanat Supernatural Records.
E 1990 e savas Spencer, Hagerty ha Bert ur bladenn anvet Historia De La Música Rock evit Caroline Records. Ur bladenn ma klever levezon ar sonerezh blues eo, enni elfennoù a vefe kavet diwezhatoc'h e The Jon Spencer Blues Explosion.
Spencer ha Cristian Martinez a savas Boss Hog e dibenn ar bloavezhioù 1980, ur pennadig a-raok ma vefe divodet Pussy Galore. Spencer a savas ivez The Jon Spencer Blues Explosion. Neil Hagerty a gendalc'has c'ober sonerezh trouzus gant Jennifer Herrema ber strollad Royal Trux o doa savet e Chicago e 1987. E penn-kentañ ar bloavezhioù 1990 e savas Cafritz ha Bert ur strollad hag ur bladenn anvet Action Swingers.
Daou vloaz goude divodañ ar strollad e voe embannet an dastumad Corpse Love: The First Year, ma kaver peder c'hanaouenn eus Exile On Main Street, hag ivez enrolladennoù kozh, atersadennoù en o zouez.
Pladennoù
kemmañ- Feel Good About Your Body EP 7", 1985
- Exile on Main Street Cassette (1986, Shove) (550 skouerenn, 4 c'hanaouenn a gaver e Corpse Love CD)
- Groovy Hate Fuck EP (1986, Shove)
- Pussy Gold 5000 EP (1986, Shove)
- Groovy Hate Fuck (Feel Good About Your Body) LP (1987, Vinyl Drip)
- Right Now! LP (1987, Caroline; adembannet e 1998 gant Matador Records/Mute Records)
- Sugarshit Sharp EP (1988, Caroline; adembannet e 1998 gant Matador Records/Mute Records, gant un ton ouzhpenn : "Penetration In the Centerfold")
- Dial M for Motherfucker (pe Make Them All Eat Shit Slowly, pe New Album By Pussy Galore) LP (1989, Caroline; er CD ve kaver 5 eus 6 kanaouenn Sugarshit Sharp, gant "Penetration In the Centerfold (Devo) e-lec'h "Yu-Gung"; adembannet e 1998 gant Matador Records/Mute Records)
- Historia De La Música Rock LP (1990, Caroline)
- Corpse Love: The First Year CD (1992, Caroline)
- Live: In The Red LP sonadeg diwezhañ enrollet er CBGB (1998, In the Red)
Video
kemmañ- Maximum Penetration VHS (1987, Atavistic Video)
Notenn
kemmañ- ↑ F.M. Einheit, atersadenn e CBC Radio's Brave New Waves (e-tro 1990)
Liamm diavaez
kemmañ