Brezel diabarzh Siria
Brezel diabarzh Siria (arabeg: الحرب الأهلية السورية, al-ḥarb al-ʾahlīyah as-sūrīyah) zo ur brezel diabarzh e Siria stourmet etre arme ar Republik Arab Sirian renet gant ar prezidant Bashar al-Assad, harpet gant bezenoù sirian hag harperien estren, a-enep bezenoù sirian harpet gant broioù estren. Hervez ar mare e vez izili an tu enep gouarnamantel o stourm kenetrezo. Kroget e oa ar brezel diabarzh e Siria pa oa bet manifestadegoù liammet ouzh an Nevez-amzer arab e 2011. Goulennet e oa gant ul lodenn eus pobl Siria kaout muioc'h a frankiz hag a ingalded. Buan a-walc'h e oa bet feulster o tiwanañ goude ma oa bet flastret manifestadegoù a c'houlenne ma'z afe Assad kuit. Lakaat a reer ar brezel diabarzh da gregiñ d'ar 15 a viz Meurzh 2011 gant emsavadegoù e Damask hag Aleppo. Buan e oa deuet meur a du war-wel : nerzhioù lu gouarnamant Siria hag e harperien estren, ur c'hengevread strolladoù ha bezenoù sunited rebelled (dreist-holl ar Free Syrian Army), strolladoù djihadisted salafist (gant an Talbenn al-Nusra), ar strollad kemmesket Kurd-Arab Sirian (Syrian Democratic Forces, SDF), hag ar Stad Islamek. Kalzik broioù estren a zo engouestlet e mod pe vod, pe o reiñ un harp dafar pe o kas soudarded, pe c'hoazh o vombeziñ (Iran, Rusia, Turkia, Stadoù-Unanet Amerika, Israel).
| Rann eus | Nevezamzer Arab, Arab Winter  |
|---|---|
| Stad | Siria |
| Daveennoù douaroniel | 35°0′0″N 38°0′0″E |
| Deiziad kregiñ | 15 Meu 2011 |
| Darvoud-alc'hwez | Seziz Daraa, tagadenn kimiek Khan Shaykhun, Emgann Baghuz Fawqani, Argadenn 2019 a-enep Rojava, fall of the Assad regime |
| Abeg pennañ | human rights in Syria, sectarianism and minorities in the Syrian civil war |
| Abeg kentizh | Nevezamzer Arab |
| Efed | spillover of the Syrian civil war, international reactions to the Syrian civil war |
| Rummad evit ar c'hartennoù | Category:Maps of the Syrian Civil War |
.svg)
En holl ez eus bet lazhet etre 470 000 (SCPR 2016) ha 367 965–560 000 (SOHR 2018) a dud.