Carn Uí Néid

Carn Uí Néid (Mizen Head e saozneg)^[1] zo ur beg-douar e mervent Iwerzhon, e penn pellañ taread Cairbrigh, e kontelezh Corcaigh.

Unan eus begoù-douar brudetañ Iwerzhon eo Carn Uí Néid ha dont a ra di touristed a-leizh da sellet ouzh ar mor hag ouzh an tornaodoù. E penn pellañ ar beg-douar, war kerreg liammet ouzh an douar-bras gant ur pont, ez eus un tour-tan, ur savlec’h amzer hag un arouezva kozh hag a zo aet bremañ d’ober ur mirdi gouestlet d’ar merdeadennoù a-dreuz ar Mor Atlantel ha d’ar c’hehentiñ gwechall.

Kontañ a reer ez eo Carn Uí Néid ar beg-douar suañ eus Iwerzhon, met Ceann Bró, nepell, an hini eo, e gwirionez. Daoust da se e reer anv alies, e levrioù Iwerzhon, eus ment ar vro, muzuliet "from Fair Head to Mizen Head" (eus An Bhinn Mhór da g-Carn Uí Néid)^[2] pe "from Malin Head to Mizen Head" (eus Cionn Mhálanna da g-Carn Uí Néid)^[3].

Notennoù

↑ Bunachar Logainmneacha na hÉireann / Placenames Database of Ireland
↑ Robert Johnson, The Competitive geography (1877), p. 170
↑ William Hughes ha John Williams, "A Class-book of Modern Geography" (1885), p. 78

Liammoù diavaez

Skeudenn eus ar beg-douar hag an tour-tan - Google Maps

[1] Bunachar Logainmneacha na hÉireann / Placenames Database of Ireland

[2] Robert Johnson, The Competitive geography (1877), p. 170

[3] William Hughes ha John Williams, "A Class-book of Modern Geography" (1885), p. 78

[1]

[2]

[3]