Kab (douaroniezh)

Ur c'hab , pe ur beg-douar, zo un tamm douar gant ar mor tro-zro nemet en un tu. E douaroniezh eo ar bae hag ar pleg-mor kontrol ar c'hab.

Kab ar Goanag Mat.

Ur beg-douar graet gant traezh, traezhenn Zlatni Rat war enezenn Brač e Kroatia.

Beg, kab ha ledenez

Ma klasker lakaat kemm etre ar c'hab hag ar beg-douar e vefe ar beg ur ger kaozeek. Brasoc'h vefe ur c'hab eget ur beg-douar ivez. Met pa vez bras-bras ar c'hab e lavarer ul ledenez anezhañ.

Furmadur ar c'haboù

Furmet e voe a c'haboù a-vremañ pa voe stabilaet live ar mor e-pad marevezh ar Skorn-bras diwezhañ. Krignet e voe an takadoù tener eus an aodoù gant ar gwagennoù hag ar morredennoù, ha furmet e voe ar c'haboù gant an takadoù kaletoc'h. Kaboù zo a c'hall bezañ furmet gant gouelezennoù ivez, traezh ha dichaladur peurvuiañ, gouzedet eno gant ar morredennoù, er memes mod a furmadur an tomboloioù.

Un nebeud kaboù brudet

• ar C'hab Horn e Chile
• Kab ar Spi Mat e Suafrika
• ar C'hab Fisterra e Galiza
• Beg ar Raz e Breizh
• Beg Tarifa e su Bro-Spagn
• ar C'hab Canaveral e Florida
• Cape Cod e Massachusetts

Kavet e vez an anv e broioù, kêrioù hag inizi zo ivez : bro ar C'hab Glas, kêr ar C'hab (Suafrika), en Afrika o-daou, pe c'hoazh enez ar C'hab Breton e Skos Nevez, ar broviñs kanadian.

Pennadoù kar

• kab
• Ar C'hab (disheñvelout)
• gourenez