Chosun Ilbo
Chosun Ilbo (hangeul : 조선일보 ; hanja : 朝鮮日報 "Pemdeziek Korea") zo unan eus teir c'hazetenn bemdeziek vrasañ Korea ar Su.
| Deiziad krouiñ | 5 Meu 1920  |
|---|---|
| Titl | 조선일보 |
| McCune-Reischauer romanization | Chosŏn Ilbo |
| Revised Romanization | Joseon Ilbo |
| Stad | Korea ar Su |
| Ideologiezh politikel | national conservatism |
| Sez sokial | Seoul |
| Bro orin | Korea ar Su |
| Yezh an oberenn pe an anv | koreaneg, saozneg, yezhoù sinaek, japaneg |
| Newspaper format | broadsheet |
| Lec'hienn ofisiel | https://www.chosun.com/ |
Krouet eo bet er bloaz 1920 gant Sin Sogu, he c'hentañ prezidant o vezañ Jo Jin-Tae, just war-lec'h emsavadeg ar 1añ a viz Meurzh 1919 a-enep dalc'hidigezh Korea gant Japan. Mirour eo he zu politikel.
Gant e embregerezh Digital Chosun e ra Chosun Ilbo war-dro al lec'hienn gelaouiñ Chosun.com hag a ro tro da lenn a gazetenn en-linenn e saozneg, e sinaeg hag e japaneg.
Chosun.com zo bet lakaet da lec'hienn-gelaouiñ gentañ Korea ar Su gant Rankey.com, al lec'hienn gorean enklask war ar Genrouedad.
Er gazetenn c'hall Courrier international e kaver troidigezh lod testennoù bet embannet e Chosun Ilbo.
Istor
kemmañKrouidigezh, 1919-1929
kemmañE miz Gwengolo 1919, c'hwec'h mizvezh goude emsavadeg vroadelour gorean ar c'hentañ a viz Meurzh enep dalc'hidigezh Korea gant Japaniz ha da heul Disklêriadur dieubidigezh Korea e voe krouet ar "Gevredigezh unvaniñ evit seveniñ ar Chosun Ilbo" a oa he fal genel ar gazetenn Chosun Ilbo.
E miz Here 1919 e voe embannet splann palioù ar gevredigezh hag, a-dreñv ar gazetenn da zont, "krouidigezh hag emled ur sevenadur nevez".
D'ar 5 a viz Meurzh 1920 e voe krouet ar gazetenn gant Sin Sogu, ha Jo Jin-Tae evel kentañ prezidant[1].
Ar gazetenn nevez-krouet a ro tro da lenn testennoù flemmus ha taer a-enep politikerezh ar gouarnamant korean tuet gant Japan.
Miz goude embannadur kentañ ar gazetenn, er pevare niverenn deiziadet d'an 28 a viz Ebrel, Chosun Ilbo a voe lakaet bec'h warni goude un destenn a save enep dimeziñ ret ar priñs Kim Yeong-chin gant ar briñsez japanaat Yi Pang-Ja (Ri Masako e japaneg).
Adal ar 15 a viz Eost 1920 ha donedigezh Yu Mun-hwan da zanvez prezidant Korea e krogas ar brezel etre ar gazetenn Chosun Ilbo ha kontrollerezh impalaeriezh Japan. Meur a wech e voe diembannet Chosun Ilbo goude un destenn digeriñ titlet « natur ar 27 a viz Eost », a roe da anavezout feulster an archerien genlabourerien d'an impalaeriezh japanat ha feulster lu Japan diwar goust ar Goreaned. Ar wech kentañ en istor ar c'hazetennerezh korean e voe ma weled ur berz embann ouzh ur gazetenn.
Tri devezh goude ma vefe adroet ar gwir da embann e krogas un eil emgann etre ar gazetenn Chosun Ilbo ha kontrollerezh impalaeriezh Japan dre embannadur un destenn anvet « Perak ez eo bet diembannet hor gazetenn gant ar gouarnamant hollek ? » d'ar 5 a viz Gwengolo 1920. Ar gazetenn a voe nac'het he embann ur wech c'hoazh evit un mare didermen.
D'an 9 a viz Ebrel 1921 e voe dilennet Nam Gung-Hun da drede prezidant ar gazetenn Chosun Ilbo. Dindan e gemenn e voe tizhet milvet embannadur ar gazetenn d'ar 6 a viz Even 1923. Ar gazetenn a voe ouzhpennet dezhi ha d'ar strollad kazetennerien ur strollad skridaozañ d'an 28 a viz Even, talvoudus e voe dre ma tegasas un hent a-vicher.
D'an 22 a viz Gouere 1924 e voe un embann rannvroel eus Chosun Ilbo, 4 fajenn enni, e Kyungbuk.
Liammoù diavaez
kemmañ
- (en) (ko) (zh) Lec'hienn ofisiel. Kavet : 14/01/2014.
Notennoù ha daveennoù
kemmañ- ↑ (en) Istor ar gazetenn Chosun Ilbo, lec'hienn ofisiel. Kavet : 14/01/2024.