Club Atlético Bella Vista
klub mell-droad
Club Atlético Bella Vista zo ur c'hleub mell-droad uruguayat bet krouet d'ar 4 a viz Here 1920 e Bella Vista (unan eus karterioù Montevideo (Uruguay)). E ti Manuel Millán ec'h en em vodas Ramón M. Salgado, Vicente Zibechi ha Félix Nario a yeas da brezidant, besprezidant ha sekretour ar c'hleub nevez-c'hanet (da deñzorer ez eas Manuel Millán).
Meur a lesanv a zo bet roet d'ar c'hleub a-hed e istor : Auriblancos, Bellavistenses, Papales.
C'hoari a ra e grogadoù en Estadio José Nasazzi.
Titloù bet gounezet
kemmañ- 1921 : kampion Divisional Extra de Fútbol de Uruguay,
- 1922 ha 1959 : kampion Divisional Intermedia de Fútbol de Uruguay,
- 1949, 1968, 1976, 1997 ha 2005 : kampion Segunda División Profesional de Uruguay,
- 1990 : kampion Primera División de Uruguay,
- 1998 : kampion Liguilla Pre-Libertadores de América.
C'hoarierien vrudet
kemmañTri c'hoarier eus Bella Vista — Pablo Dorado, Ángel Melogno, José Nasazzi — a oa perzh eus an dibab uruguayat pa'z eas ar maout gantañ da-geñver Kib vell-droad ar bed 1930.