Confederate States Army

Lu Stadoù Kengevreet Amerika (saozneg : Confederate States Army, CSA) anvet ivez Lu ar Su pe Lu Kengevreet a oa bet nerzhioù lu Stadoù Kengevreet Amerika savet d'an 28 a viz C'hwevrer 1861 evit difenn Stadoù Kengevreet Amerika e-kerzh Brezel diabarzh Stadoù-Unanet Amerika (1861–1865), o stourm a-enep nerzhioù lu an Unvaniezh evit dizalc'hiezh Stadoù ar su ha difenn ar sklavelezh. D'an 28 a viz C'hwevrer 1861, Kendalc'h Kengevreet da c'hortoz en doa lakaet da sevel ul lu a youl-vat da c'hortoz ha roet o devoa ar galloud milourel hag ar gwir da vodañ an nerzhioù stad hag an emouestlidi da prezidant ar C'hengevread nevez choazet, Jefferson Davis (1808-1889). Davis a oa bet diplomet eus an United States Military Academy, en Hudson River e West Point, New York. Bet e oa bet koronal ur rejimant youlidi e-kerzh ar Brezel etre Mec'hiko hag ar Stadoù-Unanet (1846-1848). Bez e oa bet ivez ur Senedour stadunanat eus Mississippi ha servijet en doa evel Sekretour ar brezel dindan ar 14vet prezidant Franklin Pierce. D'ar 1añ a viz Meurzh 1861, en anv d'ar gouarnamant kengevreet, Davis a oa bet o kemer ar galloud war tachenn-vrezel Porzh Charleston e South Carolina, lec'h ma oa bezenn Stad Su Carolina o lakaat seziz war Fort Sumter e porzh Charleston. E-tal dezho e oa nebeut soudarded eus an U.S. Army renet gant ar major Robert Anderson (1805-1871). E miz Meurzh 1861, ar C'hendalc'h Kengevreet da c'hortoz a oa bet o kaout ur vodadenn e kêr-benn da c'hortoz ar C'hengevread e Montgomery, Alabama. Divizet e voe brasaat an nerzhioù milourel da c'hortoz ha sevel ul lu padus ha reoliek anvet Lu Stadoù Kengevreet Amerika.

Lu Stadoù Kengevreet Amerika

Lu

Deiziad krouiñ	28 C'hwe 1861
Brezel	Brezel diabarzh Stadoù-Unanet Amerika
Diellaouet gant	National Archives and Records Administration
Stad	Stadoù Kengevreet Amerika
Aozadur mamm	Confederate States War Department
Deiziad divodañ	26 Mae 1865

Banniel brezel Stadoù Kengevreet Amerika

Derc'hel al linenn betek penn (saozneg: "Holding the Line at All Hazards") gant William Gilbert Gaul

Istor lu Stadoù Kengevreet Amerika

D'an 28 a viz C'hwevrer 1861, ar C'hendalc'h Kengevreet da c'hortoz a votas evit sevel ul lu emzifenn, savet gant tud a youl vat, ha dindan urzhioù Prezidant Stadoù Kengevreet Amerika, an ez-koronal Jefferson Davis.

Etre ar 6 hag an 9 a viz Meurzh 1861, ar C'hendalc'h Kengevreet da c'hortoz a savas lezennoù milourel spisoc'h gant ar pal kaout ul lu dibad. Ne c'haller ket gouzout pet a dud o deus servijet e Lu Stadoù Kengevreet Amerika, abalamour ma oa diglok pe distrujet rolloù Stadoù Kengevreet Amerika. Dre-vras e vez lavaret e vije bet etre 750 000 hag 1 000 000 soudard. Er sifroù-se, ne vez ket kontet ar sklaved enrollet evit al labourioù e-maez ar stourm nag ar sklaved pe sklaved dieubet a emezelas el lu. Ne vez ket kontet kennebeut an niver a soudarded a servijas en Nerzhioù morlu Kengevreet.

Renkoù hag ardamezioù

Renkadur an ofiserien e lu Stadoù Kengevreet Amerika
Jeneral	Koronal	Letanant Koronal	Major	Kabiten	Kentañ Letanant	Eil Letanant

• 
  General (kengevreet)
• 
  Koronal (Skouer an Troadegiezh)
• 
  Letanant Koronal (Skouer al lec'h penn d'al lu)
• 
  Major (Skouer Korf ar medisinerezh)
• 
  Kabiten (Skouer ar bagad Marine)
• 
  Kentañ Letanant (Skouer ar c'hanolierezh)
• 
  Eil Letanant (Skouer ar marc'hegiezh)

Enlisted rank structure
Serjant Major	Quartermaster Sergeant	Serjant urzhier	Kentañ serjant
Serjant	Kaporal	Soner	Soudard
		ardamez ebet	ardamez ebet

Lu Stadoù Kengevreet Amerika en doa un doare da choaz an ofiserien disheñvel eus al luioù all an holl ofiserien dindan ar renk a Jeneral brigadenn a oa choazet dre ur vot gant ar soudarded dindan o urzhioù.

Soudarded zu

Marlboro ur soudard du heulier d'e vestr

Soudarded du a oa bet e Lu Stadoù Kengevreet Amerika. Chomet e oa dianav ar fed-se betek n'eus ket pell 'zo, met studiadennoù a grog da vezañ savet evit kompren gwelloc'h piv, perak ha pet a dud du a oa bet o stourm evit ar Su.

Lu Stadoù Kengevreet Amerika hiziv

Adsevel istorel, Lu Stadoù Kengevreet Amerika ouzh ar stourm

Lu Stadoù Kengevreet Amerika a vez implijet kalz er Stadoù-Unanet evit an adsevel istorel. E su ar Stadoù-Unanet ez eus ul liamm karantezus don etre annezidi zo eus an tiriad ha simboloù Stadoù Kengevreet Amerika, anezho re Lu Stadoù Kengevreet Amerika.

Confederate Memorial Day e Bered Vroadel Arlington e 2014

Er sevenadur

Sydney Adamson, Argad ar rebeled

Brezel diabarzh Stadoù-Unanet Amerika a zo ur vammenn builh er sevenadur, er Stadoù-Unanet pe dre ar bed.

Filmoù

• The Battle of Bull Run, Francis Ford, 18 a viz Meurzh 1913
• Gods and Generals, Ronald F. Maxwell, embanner Warner Bros. Pictures, 2003

Bandennoù-treset

• Les Tuniques bleues : Bull Run (albom 27), gant Lambil ha Cauvin, embannadurioù Dupuis, abaoe 1968

Sonerezh

• Dixie (anvet ivez Dixie's Land) a zo ur ganaouenn pobl a orin amerikan.
• When Johnny Come Marching Home, kanaouenn pobl amerikan savet e-pad ar brezel.
• The Night They Drove Old Dixie Down, kanaouenn gant ar strollad The Band