Denys de La Patellière

Denis Dubois de La Patellière, brudetoc'h evel Denys de La Patellière, a oa ur filmaozer ha senarioour breizhat ganet d'an 8 a viz Meurzh 1921 e Naoned ha marvet d'an 21 a viz Gouere 2013 e Dinarzh. Douaret eo e Gwaled.

E-touez e filmoù brudetañ emañ Un taxi pour Tobrouk (1960) gant an aktourien Charles Aznavour ha Lino Ventura, Le Tonnerre de Dieu gant Jean Gabin pe c'hoazh Le Tatoué (1968) gant Jean Gabin ha Louis de Funès..

Buhez

Mab un ofiser e oa. En em gannañ a reas e Arme c'hall an Dieubidigezh e-pad an Eil Brezel-bed. Goude se e krogas da labourat e bed ar sinema.

Ar sinema

Skoazeller sevener Maurice Labro eo La Patellière evit L'Héroïque Monsieur Boniface (1948), hini Georges Lacombe evit Prélude à la gloire hag hini Georges Lampin evit Suivez cet homme. Seveniñ a reas Les Aristocrates, e film hir kentañ, e 1955. Esperadennoù ar film e oa Pierre Fresnay, Brigitte Auber ha Maurice Ronet. War-lerc'h e troas Le Salaire du péché (1955) gant an aktourez Danielle Darrieux ha Retour de manivelle (1956), ur film polis gant an aktourez Michèle Morgan.

Dramaoù a droas gant an aktour Jean Gabin : Les Grandes Familles lec'h ma c'hoarie un ozhac'h, ha Rue des Prairies. Emañ Gabin e Le Tonnerre de Dieu, Le Tatoué ha Le Tueur (1972) ivez. Ur film brezel a voe aozet gant La Patellière ivez, Un taxi pour Tobrouk (1960), hag ur film gwiskamantoù, La Fabuleuse Aventure de Marco Polo (1963).

Prêtres interdits eo ar film diwezhañ troet gantañ, gant an aktour Robert Hossein e beleg hag an aktourez yaouank Claude Jade. Awenet eo an drama meur-se gant eñvorennoù ar sevener, kenskrivet gant François Boyer, ha kontañ a ra un istor karantez dibar a-enep an holl bilpouzerezhioù. Chom a raio evel testamant personel La Patellière.

Ar skinwel

Seveniñ a reas meur a heuliadenn skinwel evel Le Comte de Monte-Cristo e 1979 skignet war FR3, ha Bonjour maître evit Antenne 2. Ober a reas telefilmoù ivez, evel Paparoff (1988) gant an aktour Michel Constantin. Er bloavezhioù 1990 e reas daou bennad eus ar stirad Maigret gant an aktour Bruno Cremer.

A bep seurt

Embannet eo e romant kentañ, L'Enfant évanoui, e 2002.

E familh

Dubois de La Patellière eo e anv-tiegezh klok. Noplaet e voe ar familh e-pad ar Assavidigezh e 1817. E zaou vab a labour e bed ar skinwel.

Prizioù hag enorioù

• Priz meur ar sinema gall e 1961 evit Un taxi pour Tobrouk
• Priz ar glad an Académie de Saintonge, evit Le bateau d'Emile troet e Charente hag evit e oberenn a-bezh
• ofiser Urzh an Arzoù hag al Lizhiri.

Filmadurezh

Skoazeller sevener

• 1949 : L'Héroïque Monsieur Boniface gant Maurice Labro
• 1950 : Casimir gant Richard Pottier
• 1950 : Prélude à la gloire gant Georges Lacombe
• 1950 : Uniformes et grandes manœuvres gant René Le Hénaff
• 1950 : Le Tampon du Capiston gant Maurice Labro
• 1950 : Boniface somnambule gant Maurice Labro
• 1951 : Les Mousquetaires du roi gant Marcel Aboulker ha Michel Ferry
• 1952 : Suivez cet homme gant Georges Lampin
• 1954 : Le Défroqué gant Léo Joannon

Sevener

sinema

• 1955 : Les Aristocrates (sevener ha senarioour), aktourien Pierre Fresnay, Brigitte Auber ha Maurice Ronet
• 1956 : Le Salaire du péché (sevener ha senarioour), aktourien Danielle Darrieux, Jean-Claude Pascal ha Jeanne Moreau
• 1957 : Les Œufs de l'autruche (sevener ha senarioour), aktourien Pierre Fresnay ha Simone Renant
• 1957 : Retour de manivelle (sevener ha senarioour), aktourien Michèle Morgan ha Daniel Gélin
• 1958 : Thérèse Étienne (sevener ha senarioour), aktourien Françoise Arnoul ha Pierre Vaneck
• 1958 : Les Grandes Familles (sevener ha senarioour), aktourien Jean Gabin, Jean Desailly, Pierre Brasseur ha Bernard Blier
• 1959 : Rue des prairies (sevener ha senarioour), aktourien Jean Gabin, Marie-José Nat ha Claude Brasseur
• 1959 : Les Yeux de l'amour (sevener ha senarioour), aktourien Danielle Darrieux ha Jean-Claude Brialy
• 1960 : Un taxi pour Tobrouk (sevener ha senarioour), aktourien Lino Ventura, Maurice Biraud, Charles Aznavour ha Hardy Kruger
• 1961 : Le Bateau d'Émile (sevener ha senarioour), aktourien Lino Ventura, Annie Girardot, Pierre Brasseur ha Michel Simon
• 1962 : Pourquoi Paris ? (sevener), aktourien Charles Aznavour ha Maurice Biraud
• 1963 : Tempo di Roma (Destination Rome) (sevener), aktourien Charles Aznavour hag Arletty
• 1964 : La Fabuleuse Aventure de Marco Polo (sevener ha senarioour) kensevenet gant Noël Howard, aktour Akim Tamiroff
• 1964 : Le Tonnerre de Dieu (sevener ha senarioour), aktourien Jean Gabin, Michèle Mercier ha Lilli Palmer
• 1965 : Du rififi à Paname (sevener ha senarioour) , aktourien Jean Gabin ha Nadja Tiller
• 1966 : Soleil noir (sevener ha senarioour) , aktourien Michèle Mercier ha Daniel Gélin
• 1966 : Le Voyage du père (sevener ha senarioour) , aktourien Fernandel ha Lilli Palmer
• 1968 : Caroline chérie (sevener), aktourien France Anglade ha Bernard Blier
• 1968 : Le Tatoué (sevener), aktourien Jean Gabin ha Louis de Funès
• 1970 : Sabra (Moto Shel Yehudi) (sevener ha senarioour), aktour Akim Tamiroff
• 1972 : Le Tueur (sevener ha senarioour), aktour Jean Gabin
• 1973 : Prêtres interdits (sevener ha senarioour), aktourien Robert Hossein, Claude Jade ha Claude Piéplu

skinwel

• 1976 : Cinéma 16 - pennad "La Manipulation" (telefilm) : sevener ha senarioour
• 1977 : Un juge, un flic (stirad skinwel) : sevener ha senarioour
• 1978 : Les Enquêtes du Commissaire Maigret (stirad skinwel) - pennad "Maigret et les Témoins Récalcitrants" : sevener
• 1978 : Histoires de Voyous : Le Casse des Rois Mages (telefilm) : sevener
• 1980 : Le Comte de Monte-Cristo (heuliadenn TV) : sevener
• 1983 : Secret diplomatique (stirad skinwel) : sevener ha senarioour
• 1985 : Le Paria (heuliadenn TV) : sevener
• 1987 : Bonjour maître (heuliadenn TV) : sevener
• 1988 : Paparoff (stirad skinwel) : sevener ha senarioour
• 1992 : L'Affaire Salengro (telefilm) : sevener
• 1993 : Les Épées de Diamant (telefilm) : sevener ha senarioour
• 1994 : Maigret (stirad skinwel) - pennad "Cécile est morte" : sevener ha senarioour
• 1995 : Maigret (stirad skinwel) - pennad "Maigret et l'affaire Saint-Fiacre" : sevener ha senarioour

Senarioour

sinema

• 1954 : Le Défroqué gant Léo Joannon
• 1958 : La Tour, prends garde ! gant Georges Lampin
• 1962 : Carillons sans joie gant Charles Brabant
• 1964 : Du grabuge chez les veuves gant Jacques Poitrenaud

skinwel

• 1975 : Le Renard dans l'Ile, telefilm gant Leila Senati
• 1997 : Van Loc : un grand flic de Marseille (heuliad skinwel) - pennad "Pour l'Amour de Marie" gant Claude Barrois

Frammer

• 1948 : Pèlerins de la Mecque (Les Actualités Françaises)
• 1949 : Alice au pays des merveilles gant Dallas Bower

Liammoù diavez

• an teulfilm Pèlerins de la Mecque (1948) war lec'hienn Ensavadur broadel ar c'hleweled