Gwaled

Gwaled (Vallet e galleg) a zo ur gumun eus Breizh, e Liger-Atlantel, e gevred ar vro. Kêr-benn ar muskadig eo.

Gwaled
Ar maerdi.
Anv gallek (ofisiel)	Vallet
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Gwaled (pennlec'h)
Kod kumun	44212
Kod post	44330
Maer Amzer gefridi	Jérôme Marchais 2020-2026
Etrekumuniezh	Kumuniezh kumunioù Sevr ha Liger
Bro velestradurel	Bro Gwiniegi Naoned
Lec'hienn web	www.vallet.fr
Poblañsouriezh
Poblañs	9 412 ann. (2020)
Stankter	160 ann./km²
Douaroniezh
Daveennoù lec'hiañ	47° 09′ 44″ Norzh 1° 15′ 56″ Kornôg
Uhelderioù	kreiz-kêr : 54 m bihanañ 6 m — brasañ 98 m
Gorread	58,96 km²
Gwaled

Douaroniezh

• E Bro Gwinieg Naoned emañ Gwaled, e 25 km e Gevred Naoned hag 8 km e Norzh Klison. Treuzet eo gant stêr ar Sanguèze. He hin a zo kerreizh ha meurvorel.

Anv

• Erwan Vallerie ː Valeti, 1287; Valleti, 1287; Valeys, 1362; Valez, XIVvet; Vallet, 1731

Ardamezioù

En gul e winienn barret ha deliet en aour ; e gab en erminioù

Istor

Dispac'h Gall

• Krouet e voe kumun Gwaled e 1790 diwar ar barrez katolik. Lakaet e voe da benn Kanton Gwaled hag e Bann Klison. E 1800 e voe lakaet en Arondisamant Naoned.

XIX^vet kantved

Skouvlant

• Krouet e voe kumun Skouvlant e 1863 diwar ul lodenn eus tiriad kumun Gwaled.

XX^vet kantved

Brezel-bed kentañ

• Mervel a reas 174 gwaz ag ar gumun abalamour d'ar brezel, da lavaret eo 3,85% eus he foblañs e 1911.

Eil brezel-bed

• Mervel a reas pevarzek den ag ar gumun abalamour d'ar brezel hervez monumant ar re varv.

Trevadennoù

• Indez-Sina: mervel a reas ur milour eus ar gumun hervez monumant ar re varv.
• Brezel Aljeria: mervel a reas daou vilour eus ar gumun hervez monumant ar re varv.

Monumantoù ha traoù heverk

• 

• An iliz katolik.
• Kastelloù ha maneroù e-leizh a zo, evel Kastell an Noë Bel-Air.
• Monumant ar re varv er vered, luc’hskeudennoù ha kartenn-bost. Dioueliet e voe d’an 23 a viz Ebrel 1922.
• Plakennoù ar re varv en iliz katolik.

Emdroadur ar boblañs abaoe 1962

Niver a annezidi

Tud

• Sébastien Goguet du Bois-Hérault, selaouer ouzh Kambr ar C'hontoù Breizh e 1734
• Grégoire Terrien de la Haie-Tessendeau, selaouer ouzh Kambr ar C'hontoù Breizh e 1741
• Sébastien Goguet de la Salmonière, selaouer ouzh Kambr ar C'hontoù Breizh e 1749
• Louis Goguet du Bois-Hérault, selaouer ouzh Kambr ar C'hontoù Breizh e 1750
• Douaret eo eno Denys de La Patellière (1921-2013), sevener filmoù breizhat.

Ardamezeg ar familhoù

	d'Antenaise Aotrounez La Charoullière, La Chevalerie, La Touche	En argant e deir eilenn en gul
	Avril, pe Apuril Aotrounez la Pannière	En argant e binenn c'heotet ; e gab en glazur karget gant teir rozenn en aour
	Blandin de la Guibetière	En argant e zrailhenn en sabel ouzh kab
	Barrin, Markizien Fromenteau e 1760, aotrounez Laudigère ha Montils	En glazur e deir balafenn en aour
	de Basoges, pe Bazouges, Aotrounez Montils	En glazur e leon goudreustellet etre argant ha gul
	Goguet Aotrounez Boishéraud ha la Salmonière	En glazur e greskenn en aour heuliet gant teir c'hregilhenn ivez en aour
	de Saint-Martin Aotrounez la Ferté ha la Ville	En glazur e gastell leinet grant tri dour en aour
	Terrien Aotrounez la Haie-Tessendeau	En gul e dreustell en argant karget gant ur voualc'henn en sabel, heuliet gant teir c'hreskenn en argant
	de Volvire Aotrounez Laujardière	Goudreustellet a zek pezh etre aour ha gul

Gevellerezh

• Alcester (Warwickshire) (Bro-Saoz)
• San Asensio (Spagn) ( proviñs La Rioja)
• Santo Amaro (Portugal)

Pennad kar

• Skouvlant, ur gumun all.

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995