Zack Snyder

den
Reizh pe jener	paotr
Bro ar geodedouriezh	Stadoù-Unanet
Anv e yezh-vamm an den	Zack Snyder
Anv-bihan	Zachary
Anv-familh	Snyder
Deiziad ganedigezh	1 Meu 1966
Lec'h ganedigezh	Green Bay
Pried	Deborah Snyder
Bugel	Autumn Snyder, Ezekiel Elin, Eli Snyder
Lec'h annez	Pasadena
Deroù ar prantad labour	1990
Relijion	Christian Science
Ezel eus	Writers Guild of America, West
Kont war	Vero
Rummad tost	Category:Films directed by Zack Snyder, Category:Films produced by Zack Snyder

Zack Snyder a zo ur filmaozer, senarier hag aktor amerikan bet ganet d'ar 1añ a viz Meurzh 1966 e Green Bay, Wisconsin (SUA).

E vuhez kemmañ

Goude bezañ bet stummet e Londrez hag e Pasadena e stagas Zack Snyder gant svel filmoù bruderezh ha buan e teuas a-benn da vezañ brudet rak barrek e oa a-fet stil hag a-fet kontañ darvoudoù. Labourat a reas evel rener al luc'hskeudenniñ ha sevener hag e savas meur a film bruderezh evit merkoù evel (Audi, Jeep, Budweiser, Nike, Reebok, Subaru, …). Meur a briz a dapas kaout ivez : daou Clio Awards hag ul Leon aour e Festival filmoù bruderezh Cannes.

E 2003 e savas e film sinema kentañ, Dawn of the Dead e ditl, diwar Zombie gant George A. Romero. Mat e voe degemeret ar film, gant an arvesterien koulz ha gant ar vurutellerien, ha neuze e c'hellas mont da labourat da Hollywood. Tri bloaz goude e savas 300, diwar ar c'homic 300 (comic) gant Frank Miller. E 2009 e sevenas ar film Watchmen diwar ar c'homic gant Alan Moore.

D'ar 4 a viz Here 2010 ec'h embannas e lec'hienn Deadline^[1] e sevenfe Superman : Man of Steel kerkent hag echu gant Sucker Punch. Superman: Man of Steel a voe produet ha skrivet ar senario anezhañ gant ar vreudeur Nolan hag o skipailh, hag o deus bet labouret war Batman Begins ha The Dark Knight c'hoazh.