Eburodunum

Eburodunon, pe Eburodunum e latin, zo ul lec'hanv keltek.

Gerdarzh

• Savet eo diwar ar ger eburo- stank en tudanvioù galianek ( Eburus, Eburo, Eburius, etc.) ha lec'hanvioù (Eburo-dunum > Yverdon, Embrun ; *Eburo-ialon > Avreuil, Ébreuil ; *Eburiacon > Évry, Ivry, etc.), Eburobrittium, ha marteze en anvioù Evreux, Evron, Evrann, ha York (Eboracon), hag Évora.

Hervez gouizieion zo e ra dave d'an ivin (gwez) : pobl an Eburovices a vije bet « ar re a drec'h dre an ivin », koad d'ober o armoù, gwaregoù dreist-holl. Hervez tud all e ra dave d'an hoc'h-gouez.

• An dibenn-ger -duno (kreñvlec'h) zo stankoc'h c'hoazh el lec'hanvadurezh (Lugdunum) ha chomet en anvioù gallek evel Loudun, Autun (Augustodunum), Châteaudun. E brezhoneg e kaver ar ger din en anvioù Dinan, Dinarzh, Dineol.

Lec'hioù

Bez e oa anv kozh

• Brno, e Tchekia
• Embrun, Hautes-Alpes, e Bro-C'hall
• Yverdon-les-Bains, e Suis

Pennadoù kar

• Eburones, pobl kelt etre Roen ha Meuse, e Limbourg.
• Aulerci Eburovices, pobl kelt war-dro Evreux, e Normandi.
• lec'hanvioù Galia