Edouarzh III (Bro-Saoz)
Edouarzh III, roue Bro-Saoz, ganet d'an 13 a viz Du 1312, marvet d'an 21 a viz Mezheven 1377, a voe unan eus rouaned veur Bro-Saoz er Grennamzer. Ren a reas e-pad 50 vloaz, adalek marv e dad Edouarzh II, d'ar 25 a viz Genver 1327, pa ne oa nemet 14 vloaz.
Dindan ren Edouarzh III e voe astennet beli ar roue war douaroù ledanoc'h, goude brezelioù a-enep Bro-Skos ha Bro-C'hall.
Mab e oa da Edouarzh II ha d'ar rouanez Izabel Bro-C'hall ; abalamour da se e vennas Edouarzh kaout kurunenn Bro-C'hall. E Bro-C'hall avat e voe respontet dezhañ ne c'halle ket rak, abalamour d'al lezenn war an hêrezh er vro-se, ne c'halle ket ar rouanez Izabel kaout ar rouantelezh en hêrezh. Kement-se a voe kaoz d'ar Brezel Kant Vloaz.
Dimeziñ a reas Edouarzh III gant Filipa Hainaut ha 12 bugel o devoe. Heligentañ a voe etre daou anezho da c'houzout piv a yafe war an tron. Ha diwar-se e c'hoarvezas Brezel an Div Rozenn.
| En e raok: Edouarzh II |
Roue Bro-Saoz .svg) 1327 – 1377 |
War e lerc'h: Richarzh II |
