Eginhard

Einhard pe Eginhard, ganet war-dro 775 ha marvet d'ar 14 a viz Meurzh 840, a oa ur manac'h frank hag ur skrivagner latin eus an IX^vet kantved hag a skrivas buhez Karl Veur.

Eginhard o skrivañ, aourlivadur eus ar XIV^vet kantved pe XV^vet kantved.

Eginhard o skrivañ.

E vuhez

Skoliet e voe en abati Fulda. E 791 pe 792, e voe kaset da beurechuiñ e zeskadurezh da lez Karl Veur. Mignon e oa da Alcuin, ha gantañ en doe pouez ha levezon war ar skoliata hag azginivelezh speredel an IX^vet kantved. E latin e skrivas buhez an impalaer Karl Veur.

Oberennoù

• Vita et gesta Caroli Magni, moulet e Köln, 1521, en Utrecht, 1711, ha troet e galleg gant Denis, Pariz, 1812.
• Einhard, Vita Caroli, e-barzh Two Lifes of Charlemagne, troet gant Lewis Thorpe, Harmondsworth, Penguin Books, 1974.
• Annales regnum Francorum, 741-829, ha 62 lizher.
• Gant Alexandre Teulet e voe embannet e oberennoù gant un droidigezh c'hallek ha notennoù e Pariz, en 1843 ha 1857.

Levrlennadur

• FAVIER, Jean, Charlemagne, Paris, Fayard, 1999.