Eurier

Un eurier, pe ur montr, zo un horolaj hezoug treloc'hel pe elektronek hag a vez douget gant e berc'henn pe e berc'hennez.
Tri seurt eurieroù a gaver hiriv : an eurier-brec'h (anvet ivez horolaj-dorn), hag a vez douget ouzh an arzorn, an eurier-ispilhenn hag a vez douget evel un dro-c'houzoug ha, raloc'h bremañ, an eurier-godell.
Brudet eo eurieroù Suis, a-douez reoù arall.

Un eurier-brec'h

Un eurier-brec'h Zenith ma weler an ardivink o vont en-dro.

Eurier Waltham, a veze gant ar soudarded er Brezel-bed kentañ

Un eurier Swatch

Ar c'hoshañ eurier, graet e 1530

Ur seurt boest eo an eurier, rod kendantañ pe amredoù elekronek enni, goloet gant ur werennig ma lenner an eur drezi.

Parzhioù un eurier

Eurier gant bizied

Hennezh a ziskouez an eur dre zaou viz hefiñv, unan bihan evit an eurioù, unan brasoc'h evit ar munutennoù. Ur biz all a vez ouzhpenn alies da ziskouez an eilennoù. Ne c'haller ket diforc'hañ ar beure diouzh an noz : war 12 e vo an daou viz, ha pa vefe kreisteiz pe hanternoz.
Treloc'hek pe elektronek e c'hall bezañ.

Eurier niverel

Dre sifroù e vez diskouezet an eur gant seurt eurieroù. Da skouer, evit diskouez ez eo unnek eur ha kard, e tiskouezo 11:15 (unnek eur ha pemzek munutenn). Bez' e c'heller reizhañ an eurier evit ma tiforc'hfe etre beure hag abardaez, dre e reizhañ war un diskouez 12 eurvezh, ma vo 11:15 AM (latin ante meridiem, "a-raok kreisteiz") pe 11:15 PM (post meridiem, "goude kreisteiz"), pe war un diskouez 24 eurvezh, ma vo 11:00 da veure ha 23:00 da noz.
Elektronek bepred e vez an eurieroù niverel, evel-just.

Notennoù

Sellit ouzh ar ger eurier er
wikeriadur, ar geriadur frank.

Sellit ouzh ar ger montr er
wikeriadur, ar geriadur frank.