France Bevk

den
Reizh pe jener	paotr
Bro ar geodedouriezh	Socialist Federal Republic of Yugoslavia, Rouantelezh Italia, Aostria-Hungaria
Anv-bihan	France
Anv-familh	Bevk
Lesanv	Pavle Sedmak
Deiziad ganedigezh	17 Gwe 1890
Lec'h ganedigezh	Zakojca
Deiziad ar marv	17 Gwe 1970
Lec'h ar marv	Ljubljana
Tachenn labour	literary activity, translating activity, Embannerezh
Brezel	Brezel-bed kentañ
Ezel eus	Slovenian Academy of Sciences and Arts
Levezonet gant	Prežihov Voranc
Prizioù resevet	Prešeren Award, Levstik Award

France Bevk (17 Gwengolo 1890 e Zakojca - 17 Gwengolo 1970 e Ljubljana) a oa ur skrivagner eus Slovenia.

Ganet e voe en ur geriadenn vihan eus kontelezh Gorizia a oa da neuze ul lodenn eus Impalaeriezh Aostria-Hungaria. Mont a reas da gelenner. Goude ar Brezel-bed Kentañ e labouras evit kazetennoù hag en em staliañ a reas e Gorizia a oa hiviziken en Italia. Abalamour d'e obererezh politikel ha sevenadurel e rankas kuitaat Italia e 1935 ha mont da chom da Ljubljana, e Rouantelezh Yougoslavia. Eno e tarempredas skrivagnerien hag arzourien all. Abaoe e yaouankiz e skrive barzhonegoù. Er bloavezhioù 1930 e tapas brud gant e romantoù a daolenne stourm ar slovenegerien en Italia, a-enep renad faskour Mussolini. E romant anavezetañ eo Kaplan Martin Čedermac (1938), ma kont buhez ur beleg katolik eus minorelezh slovenek Italia.

Pa voe aloubet Yougoslavia e miz Ebrel 1941 e voe rannet Slovenia etre ar Reich alaman hag Italia faskour. Toullbac'het e voe France Bevk gant an alouberien italian. E 1943 e tec'has diouzh ar prizon ha mont a reas da stourm asambles gant ar Bartizaned sloven. E dibenn an Eil Brezel-bed en em stalias e Trieste met buan a-walc'h e tistroas da Ljubljana. Dont a reas da vezañ unan eus izili Akademiezh Sloven ar Skiantoù hag an Arzoù. Div wech e tapas ar Priz Prešeren gant e levrioù, e 1949 hag e 1954. E dibenn e vuhez e savas levrioù evit ar vugale. Ur skrivagner puilh e oberennoù e voe, pa pa skrivas ouzhpenn 100 levr.