Bacchiacca

Francesco Ubertini, lesanvet il Bacchiacca (Borgo San Lorenzo, 1494 – Firenze, 1557) a oa ul livour italian, eus kêr Firenze e deroù ar XVI^vet kantved.

Donna con gatto (Itron he c'hazh). 1525.

Mosè fa scaturire l'acqua nel deserto colpendo una roccia (Moizez a sko war ur roc'h da lakaat an dour da redek). War-dro 1540-1545.

Deskiñ ar vicher a reas e stal-labour Perugino ha war-dro 1515 e stagas da genlabourat gant Andrea del Sarto, Jacopo Pontormo ha Francesco Granacci evit kinklañ kambr Pierfrancesco Borgherini ha Margherita Acciauoli.

En 1540 e teuas da vout livour e lez an dug Cosimo Iañ (reg. 1537-1574) hag an dugez Eleonora di Toledo. Eno e tarempredas arzourien vrasañ e amzer evel Bronzino, Francesco Salviati, Niccolò Tribolo, Benvenuto Cellini, Baccio Bandinelli, hag e vreur-kaer Giovanni Battista del Tasso.

Oberennoù

• Donna con gatto (Itron he c'hazh). 1525.
• Mosè fa scaturire l'acqua nel deserto colpendo una roccia (Moizez a sko war ur roc'h da lakaat an dour da redek). War-dro 1540-1545.
• Leda.
• Sibilla

Skeudennoù

• 
  Leda hag an alarc'h
• 
  Klask ar gib laeret