Ar 1 brigadenn eus an nerzhioù ispisial irakian lesanvet Golden Brigade ha bremañ Golden Division[1] (saozneg:1st Special Operations Brigade) lesanvet a-wechoù "Dirty Divsion" evit an dud a gav abeg dezhañ a zo diazezet e Baghdad. Rannet eo e 3 batailhon an hini 1añ, an eil hag ar 5vet. Ouzhpenn da-se e kaver ur batailhon harp hag ur batailhon gourdoniñ nerzhioù ispisial Irak.

Banniel an nerzhioù ispisial irakian
Un ezel d'an nerzhioù ispisial irakian gant daou soudard eus al lu irakian e Falloujah

Ar c'hentañ batailhon a oa ar 36vet batailhon komando irakian adanvet.

An urzhioù a vez resevet gant ar c'hentañ maodiern irakian ha n'eo ket evel peurrest an nerzhioù lu gant ministrerezh difenn Irak.

Izili kemmañ

Aboae freuz an nerzhioù lu irakian dre bountadur ar Stad Islamek e oa bet lakaet strivoù ar c'huzulierien amerikan war ar Golden Division evit dont a-benn da adsevel nerzhioù leal d'ar gouarnamant irakian, arbennikaet ha pell diouzh breinadurezh peurrest al lu.

O welet an tagadennoù war ar Golden Division gwelet evel ostilh marvus ar c'hentañ maodiern irakian Nouri al-Maliki e oa bet lakaet pouezh war doujañ ouzh gwirioù Mab-den.

Tuta kemmañ

Nebeut-tre a verc'hed a zo ezel d'ar Golden Division.

Gourdoniñ kemmañ

Gourdoniñ ar Golden Division a vez graet gant soudarded Amerikan dreist-holl soudarded an nerzhioù ispisial.

Dafariñ kemmañ

Aes eo anavezout izili ar Golden Division war an dachenn emgann dre o unwisk soudard du. Evel an holl soudarded eus an nerzhioù ispisial dre ar bed e vez kuzhet o fas gant kagoulennoù pe gant ur voualenn a-wechoù gant ur penn-eskern treset warnañ. Implij a reont karbedoù Humvee hobregonet.

Gwisket ha dafaret int dres evel ma z'eo nerzhioù lu ispisial SUA.

Emgann Falloujah (2016) kemmañ

Evit emgann Falloujah strolladoù komando ar Golden Division a voe an nerzhioù lu kentañ irakian o vont etrezek kêr goude ur sujidigezh a daou vloaz hanter d'ar Stad Islamek.

Emgann Mosoul kemmañ

Ur wech c'hoazh ar Golden Division a zo bet choazet evit bezañ ar c'hentañ nerzh eus al lu irakian[2] o vont etrezek kêr vMosoul dindan beli ar Stad Islamek[3].

Implij propaganda kemmañ

Implijet e vez ar Golden Division kement gant an Amerikaned ha gant gouarnamant Irak evel ostilh propaganda da ziskouez eo adsavet a-nevez nerzhioù lu Irak hag int nerzhioù lu arbennik.

Tabutoù kemmañ

Lesanvet e vez "Dirty Divsion", gant tud hag a rebech dezho ober war-dro an toulloù-bac'h kuzh en Irak ha bezañ implijet evit lazhadegoù e-maez justis eus enebourien ar gouarnamant irakian. A-raok ar stourm a-enep ar Stad Islamek, ar Golden Division a oa gwelet evel ostilh ar c'hentañ maodiern irakian Nouri al-Maliki evit lazehadegañ pe herzel e enebourien bolitikel. Goulennoù a veze savet gant tud a lezenn eus Irak evit ma vefe roet lamm d'an divizion pe ma vefe kendeuzet gant nerzhioù all al lu irakian.

Liammoù diavaez kemmañ

Poltredoù kemmañ

Filmoùigoù kemmañ

Notennoù ha daveennoù kemmañ