Herri VII (Bro-Saoz)
Herri VII Tudor (28 a viz Genver 1457 - 21 a viz Ebrel 1509) a oa ur priñs kembreat hag a zeuas da vout roue Bro-Saoz, eus 1485 betek e varv. Ar roue kentañ eus an tiegezh Tudor e voe. Brezhoneger e oa[1] peogwir en doa kavet repu e Breizh e 1471, pa oa Brezel an Div Rozenn e Bro-Saoz. Goude bezañ tremenet tost 14 vloaz en harlu e Dugelezh Breizh e tec'has kuit da Vro-C'hall ha distreiñ a reas da Vro-Saoz evit bezañ kurunet roue. Dont a reas a-benn da c'hourlakaat ar peoc'h d'ar vro goude tregont vloaz a vrezel diabarzh. Sevel a reas e vab Herri VIII war e lerc'h war dron ar roue.
E vuhezAozañ
YaouankizAozañ
Ganet e oa e Kastell Penfro e Kembre. E dad e oa Edmond Tudor, kont Richmond, hantervreur d'ar roue Herri VI, hag e vamm e oa Margaret Beaufort, un diskennadez da Yann Gent, mab da Edouarzh III (Bro-Saoz). Tremen a reas e vugaleaj gant e eontr Jasper Tudor, Kont Pembroke.
DimezioùAozañ
Dimeziñ a ra da Elesbed Evrog, merc'h ar roue Edouarzh IV, d'an 18 a viz Genver 1486. Seizh bugel o deus.
E vugaleAozañ
Arthur Tudor, Priñs Kembre, pried kentañ Catherine of Aragon.
Margaret Tudor, pried James IV Bro-Skos, mamm-guñv da James Iañ Bro-Saoz.
Herri VIII , roue war-lerc'h Herri VII.
Mari Bro-Saoz (1496-1533) dimezet da Loeiz XII, addimezet da Charles Brandon.
| En e raok: Richarzh III |
Roue Bro-Saoz .svg) 1485 – 1509 |
War e lerc'h: Herri VIII |
Notennoù ha daveoùAozañ
- ↑ Le gallo, d'ouyou qu'i vient? p. 151, Jean-Luc Laquittant, embannadurioù Les Oiseaux de papier, miz Ebrel 2015