Huizen

Huizen (distagañ : [1]) a zo ur gumun hag ur gêr e proviñs Noord-Holland en Izelvroioù. Dont a ra an anv "Huizen" eus an nederlandeg "tiez", peogwir e soñjer ez eo eno ma voe savet an tiez mein kentañ a gaver er rannvro-se. 23,28 km² eo gorread Huizen (douar : 15,78 km², dour : 7,5 km²) ha d'an 31 a viz Mae 2009 e oa 42 048 annezad enni.

Istor

Ur gêriadenn en arvor e oa Huizen, ma rae berzh ar peskerezh. Pa voe stanket ar Zuiderzee gant an Afsluitdijk e 1932 e teuas ar mor da vezañ ul lenn, ha kemmoù a voe degaset d'an armerzh : kenwerzh ha greanterezh a gemeras plas ar peskerezh. Er bloavezhioù 1960 e voe savet kalz tiez e Huizen, peogwir e fazie tiez er rannvro-se. Diwar se e kreskas buan an niver a annezidi. A-raok an Eil Brezel-Bed e oa un skigner bras e Huizen.

Kuzul-kêr

E kuzul-kêr Huizen ez eus 27 dileuriad :

VVD - 6 dileuriad
CDA - 5 dileuriad
PvdA - 5 dileuriad
GroenLinks - 3 dileuriad
ChristenUnie - 2 zileuriad
Dorpsbelangen - 2 zileuriad
Leefbaar Huizen - 2 zileuriad
D66 - 1 dileuriad
SGP - 1 dileuriad

Liammoù diavaez

Commons

Muioc'h a restroù diwar-benn

Huizen

a vo kavet e Wikimedia Commons.

Porched an Izelvroioù – Adkavit pennadoù ha rummadoù Wikipedia a denn d'an Izelvroioù.