Ivan Tyulenev

Ivan Tyulenev (Rusianeg: Ива́н Влади́мирович Тюле́нев), ganet d'an 28 a viz Genver 1892 ha marvet d'ar 15 a viz Eost 1978, a oa un ofiser uhel soviedat, unan eus ar re gentañ a voe lakaet da jeneral el Lu Ruz e 1940.

Ivan Tyulenev enoret war un timbr soviedat e 1979.

Kartenn-bost soviedat bloavezh 1984.

Buhez

Tyulenev a oa bet ganet en ur familh soudarded e gouarnamant Simbirsk (hiziv Oblast Oulyanovsk) trevadenn Shatrashany. Labouret en devoa en uzinoù hag evel pesketour war ar mor Kaspian a-raok bezañ enrollet e Lu Impalaeriezh Rusia er bloavezh 1913. E-pad ar C'hentañ Brezel-bed e oa soudard er rejimant dragoned Kargopolsky e Polonia ar C'hendalc'h. Enoret e voe gant medalenn Urzh Sant Jorj evit e varregezh hag e galon en emgann.

Tyulenvev a emezelas el Lu Ruz dres goude ar Reveulzi e-pad Brezel diabarzh Rusia er 1añ lu marc'hegiezh. Kemeret en devoa perzh ivez e flastradenn Emsavadeg Kronstadt ha goude-se er Brezel Polonia-Soviet. E 1939 e oa penn an 12vet arme URSS e-pad aloubadeg Polonia gant an nerzhioù lu soviedel. Lakaet e voe d'ar renk a jeneral eus al lu e 1940.

Pa voe kroget gant ar Brezel Alaman-Soviedel e 1941, e oa karget gant Distrikt Milourel Moskva. E-pad tri miz kentañ ar brezel, Tyulenev a oa penn uhel an Talbenn ar Su.