Lu Impalaeriezh Rusia
Lu Impalaeriezh Rusia (e rusianeg: Ру́сская импера́торская а́рмия, tr. Rússkaya imperátorskaya ármiya) a oa nerzhioù tirlu an Impalaeriezh rusian, hag a oa bet eus 1721 betek ar Reveulzi rusian eus 1917. Tro 1850, al lu rusian a oa savet gant 900 000 soudard reoliek ha 250 000 soudard direoliek (kozaked).
| Deiziad krouiñ | 2 Du 1721  |
|---|---|
| Brezel | Brezel Bras an Hanternoz, kampagn Rusia, Brezel-bed kentañ, Brezelioù etre Rusia ha Turkia |
| Stad | Impalaeriezh Rusia |
| Raklec'hiet gant | Army of Peter the Great |
| Heuliet gant | Lu Ruz, White Army |
| Deiziad divodañ | 14 Gwe 1917 |
| Sant paeron | Jord a Lydda |
Rejimantoù an urzh nevez
kemmañTsared Rusia betek Pêr Iañ n'o devoa nemet un nebeud bagadoù a-vicher ha dre hêrezh mouskederien anvet Streltsy. Krouet e oant bet da gentañ gant an tsar Ivan Spontus. Da gentañ e oa un nerzh efedus, met gant an amzer o tremen e oa deuet da vezañ un nerzh disleal ha dizurzhiet. Pa veze brezel e veze brasaet gant peizanted rediet da gemer an armoù.
Rejimantoù an Urzh nevezh, pe rejimantoù an urzh estren (Полки нового строя pe Полки иноземного строя, Polki novovo (inozemnovo) stroya), e oa an doare da envel an unvezioù milourel rusian savet gant Tsarelezh Rusia er XVIIvet kantved hervez an istorourien europat.
-
Distrigoù milourel an Impalaeriezh rusian e 1913
Minorelezhioù etnek ha relijiel
kemmañE-touez ar gozaked e oa ar vuzulmaned Tatared Mishar. Roet e oa bet postoù ofiserien da Vachkired. Muzulmaned turkek ha Bouddhisted Kalmyk a oa bet degemeret ivez e-touez ar gozaked. Ar gozaked nann muzulman o devoa ar memes statud evit ar gozaked vuzulman eus Siberia. Muzulmaned Siberia a oa ambrouget gant imamed.
Ar re vBashkirs ha Kalmyked a oa bet o stourm evit Impaleriezh Rusia a-enep nerzhioù Napoleon. Gwelet e oant evel unvezioù mat da implij evit beuziñ an enebour met ket evel unvezioù-stourm taer. Ne oant ket gwelet evel unvezioù milourel standard. Implij a raent gwaregoù hag armoù gwenn. Maouezed Bashkir a stourme er rejimantoù gant ar wazed. Kement-mañ a oa bet testeniekaet gant Denis Davidov. Nerzhioù Napoleon a oa bet o stourm a-enep d'ar re vBashkirs dreist-holl e stourmoù marc'hegiezh.
Kentañ Brezel-bed ha Dispac'h rusian
kemmañPa oa tarzhet ar C'hentañ Brezel-bed, an impalaer Nikolaz II en doa fiziet penn an nerzhioù lu en e genderv, an Dug veur Nikolaz. Pa oa bet galvet ar baotred d'an armoù, al lu rusian a oa savet gant 115 divizion droadegiezh hag 38 marc'hegerezh. Ur 7 900 kanol bennak (7 100 kanol tachenn, 540 kanol-mortez ha 257 kanol ponner). Ne oa nemet 2 armead klañvdiourezh gant 679 karr nemetken. An divizionoù a oa bet ledet evel-henn : 32 troadegiezh ha 10.5 marc'hegiezh evit talañ ouzh an Alamanted, 46 troadegiezh ha 18.5 marc'hegiezh a-enep Aostria-Hungaria, 19,5 troadegiezh ha 5,5 divizion marc'hegerezh en difennerezh ar Mor Baltek hag aodoù ar Mor Du. 17 divizion troadegiezh ha 3,5 marc'hegiezh da vezañ fiñvet betek Siberia ha Turkestan.