Jean-Marie Le Pen
Jean Louis Marie Le Pen, ganet d'an 20 a viz Even 1928, zo ur politikour breton bet prezidant ar strollad eus an tu dehoù pellañ gall Front National etre 1972 ha 2011. Bet eo bet ivez prezidant a enor an Talbenn Broadel etre 2011 ha 2015.
Reizh pe jener | paotr ![]() |
---|---|
Bro ar geodedouriezh | Frañs ![]() |
Anv e yezh-vamm an den | Jean-Marie Le Pen ![]() |
Anv-bihan | Jean-Marie ![]() |
Anv-familh | Le Pen ![]() |
Deiziad ganedigezh | 20 Mez 1928 ![]() |
Lec'h ganedigezh | An Drinded-Karnag ![]() |
Tad | Jean Le Pen ![]() |
Mamm | Anne Hervé ![]() |
Pried | Jany Le Pen ![]() |
Bugel | Marine Le Pen, Marie-Caroline Le Pen, Yann Le Pen ![]() |
Kar | Philippe Olivier ![]() |
Familh | familh Le Pen ![]() |
Yezh vamm | galleg ![]() |
Yezhoù komzet pe skrivet | galleg ![]() |
Kondaonet evit | assault ![]() |
Micher | politiker, alvokad ![]() |
Bet war ar studi e | Paris Law Faculty, Skol-Veur Panthéon-Assas ![]() |
Lec'h annez | Saint-Cloud ![]() |
Lec'h labour | Strossburi, Brusel ![]() |
Strollad politikel | Front national, Front national pour l'Algérie française, Comités Jeanne, Rassemblement National ![]() |
Bet war ar renk da vezañ dilennet | 2002 French presidential election, 1974 French presidential election, 1995 French presidential election, 1988 French presidential election, 2007 French presidential election ![]() |
Relijion | Iliz katolik roman ![]() |
Kleñved | one-eyed ![]() |
Perzhiad e | fête de la Courtoisie, Journée nationale et identitaire ![]() |
Brezel | Brezel Aljeria ![]() |
Oberenn heverk | Mémoires : fils de la nation ![]() |
Political alignment | far-right ![]() |
Ideologiezh politikel | Poujadisme, Broadelouriezh, enep-komunouriezh ![]() |
Darvoud-alc'hwez | Panama Papers ![]() |
Lec'hienn ofisiel | http://www.jeanmarielepen.com/ ![]() |
Le Pen a zo bet diplomet war ar Gwir e 1949 e Skol-veur ar Gwir eus Pariz. Servij a ra en tirlu c'hall e-kerzh brezelioù Indez Sina hag Aljeria. Goude-se e krog gant un hent politikel el luskadoù Poujadour. Dilennet eo Kannad evit departamant ar Seine eus 1956 betek 1962. Goude-se eo e penn Kampagn Jean-Louis Tixier-Vignancour evit an dilennadegoù prezidantel c'hall eus 1965. Galvet gant izili al luskad broadelour Ordre nouveau, kemer a ra perzh e 1972 e krouidigezh an Talbenn Broadel (FN), ha dont a ra da vezañ prezidant ar strollad.
Renket en tu dehoù pellañ, diazezet eo e c'hampagn war an envroañ ha dont a ra a-benn er bloavezhioù 1980 da lakaat ar strollad politikel broadelour da zont diwar wel er vuhez politikel. Dilennet kannad e Paris e-kerzh kampagn dilennadegoù kannaded 1986, e penn ar strollad FN-RN eo er Vodadenn Vroadel e-kerzh VIIIe kannaderezh ar Vvet republik. Kannad europat eo adalek 1984 ha meur a wech e vo dilennet evel kannad politikel lec'hel (kuzulier-kêr an 20vet arondisamant eus Pariz, kuzulier rannvroel Enez-Frañs ha Provence-Alpes-Côte d'Azur).
Pemp gwech e voe klasket gantañ keveziñ evit dilennadegoù prezidantel Bro-C'hall. O kaout un niver a voterien izel e 1974, dont a ra a benn da vezañ teir gwech er pevare plas evit ar c'hentañ tro (e 1988, 1995 ha 2007). Gant ur souezhadenn vras, tizhout a ra eil tro dilennadegoù prezidantel 2002, ha tapout a ra 17,8 % eus hollad ar mouezhioù e-tal ar prezidant, Jacques Chirac, a oa bet harpet gant un « talbenn republikan ».
E verc'h Marine Le Pen a gemer e blas e 2011 evel prezidantez an Talbenn Broadel, hag eñ a teu da vezañ prezidant a enor. A benn ar fin eo skarzhet eus ar strollad e 2015.
Hent politikel Jean-Marie Le Pen a zo bet unan gant kalz disklêriadurioù kudennus ar pezh a zo bet awen da tamalloù gouennelouriezh, enepyezuvegezh, betek ma vije skarzhet eus an FN. Bet eo bet barnet meur a wech evit apologiezh torfedoù- brezel, nac'hañ torfedoù a-enep Mab-Den, broudañ d'ar c'hasoni, dispartioù ha feulster gouennel, kunujenniñ foran ha feulster, gwech-ha-gwech eo pe kondaonet pe didamallet.
Krouet en deus ar strollad Comités Jeanne e 2016 ha chomet eo prezidant a enor an FN betek 2018. Echuiñ a ra da vezañ kannad europat ha kuitaat a ra ar vuhez politiekl e 2019, goude bezañ bet pevar bloaz ha tregont er Parlamant europat 63 vloaz goude e c'hentañ wech dilennet evel kannad.