Joniged

Johnniged^[1], pe Joniged^[2], a veze graet eus gwerzherien ognon Bro-Leon hag a yae da Vreizh-Veur da werzhañ o zrevad, adal dibenn an XIX^vet kantved betek eil lodenn an XX^vet kantved. Onion Johnny pe Johnny Onion, el liester Johnnies, a vez graet anezho e saozneg. Lesanv ar Vretoned eo e Kerne-Veur.

Hervez kont, al labourer-douar Herri Olier, brezhoneger anezhañ, a voe an hini kentañ anezho o loc'hañ eus Rosko, e 1828.

Ar Joniged er sevenadur

Ur Jonig eus Rosko, Daniel Tangi, war varc'h-houarn e Llanycil d'an 23 a viz Genver 1958.

An dudenn bennañ zo ur Jonig er romant Castle Dor gant ar skrivagnerien gerneveurat Daphne du Maurier hag Arthur Quiller-Couch, un istor Tristan hag Izold hag a c'hoarvez e Kerne-Veur an XIX^vet kantved. Ar skrivagner breizhat Yvon Mauffret a gont buhez ur Jonig en e romant yaouankiz Les oignons de la fortune.

Kanet eo bet ar Joniged gant meur a strollad sonerezh : Tonnerre de Brest, an Tri Yann hag an trio EDF.

Liammoù diavaez

Levrlennadur

(cy) Gwyn Griffiths, Y Shonis olaf, Gwasg Gomer, 1981, (ISBN 0850888646) (krafet), (ISBN 9780850888645) (keinet)
(cy) Gwyn Griffiths, Sioni Winwns, Llyfrau Llafar Gwlad 53 (Gwasg Carreg Gwalch, 2002) (ISBN 0863817769)
(en) Gwyn Griffiths, Goodbye, Johnny Onions, Dyllansow Truran, 1987
(en) Gwyn Griffiths, The last of the onion men, Gwasg Carreg Gwalch, 2002, [[ISBN|0863817831}}
(en) Daphne du Maurier & Arthur Quiller-Couch (1961), Castle Dor, Virago, 2004 (ISBN 1844080676)
(fr) Yvon Mauffret, Les oignons de la fortune, Rageot Jeunesse, 1989 (ISBN 2700228847)

Notennoù

↑ Tad Medar, Paotred an Ognon, 1986.
↑ Geriadur ar brezhoneg a-vremañ, p. 359

[1] Tad Medar, Paotred an Ognon, 1986.

[2] Geriadur ar brezhoneg a-vremañ, p. 359

[1]

[2]