Flavius Claudius Jovianus

(Adkaset eus Jovianus)

Jovian, pe Flavius Claudius Jovianus (war-dro 332 - 17 a viz C'hwevrer 364), a voe impalaer roman e-pad eizh miz, eus Mezheven 363 da C'hwevrer 364, war-lerc'h Juluan.

Ezel e oa eus korf gwarded an impalaer. Aet e oa gant Juluan da vrezeliñ ouzh ar Sasanided.

Pa varvas Juluan e voe anvet Jovianus da impalaer kerkent gant e soudarded.

Skuizh -divi e oa an arme, berr ar boued, ha dibosubl treizhaén ar stêr Tigris. Neuze e reas ar peoc'h gant ar Sasanided, en un doare mezhus .

Erruout a reas e kêr Edessa. Eno e teuas an eskibien da c'houlenn e ali diwar-benn kelennadurezh an iliz kristen. E Gwengolo 363 ec'h adsavas ar gristeniezh evel relijion-stad.

O tistreiñ da Kergustentin e oa pa varvas e Dadastana.