Kalon (arouez)

Ar galon zo un arouez implijet evit skeudenniñ organ ar galon sellet evel kreizenn ar fromoù, ar spered, ar skiant hag ar moral, abaoe an Henamzer.

Dre astenn-ster e arouez ar fromadennoù o-unan, ar garantez dreist-holl, ha ruz eo ar galon en degouezh-se. Ar galon ruz a c'hall bezañ treuzet gant un bir evit diskouez eo bet tennet gant an doue Eros, pe rannet evit skeudenniñ ar galonad.

Gallout a ra ar galon aroueziañ ivez ar vignoniezh, an nerzh-kalon, an deneridigezh. En amzer hiziv e c'hall aroueziañ ivez ar vuhez pe ar yec'hed.

Istor

Eosten Hippo o terc'hel ur galon en e zorn sklêrijennet gant ur bann hag a zeu eus ar wirionez doueel (Veritas), livet gant Philippe de Champaigne c. 1650.

Kalon chouan

Ar stumm-se evit aroueziñ ar galon a zeu war-wel e dibenn ar Grennamzer en Europa, e touez al livourien dreist-holl.

Kavet e veze a-raok, abaoe an Henamzer zoken, met skeudenniñ a rae delioù plantennoù zo. En ardamezouriezh e oa stumm ar galon, pe ur stumm kar anvet 'pompelblêd" e frizeg, arouez al loa-zour.

Abaoe an XIX^vet kantved eo deuet da vezañ arouez ar garantez an aliesañ.

Stlenneg

Meur a galon zo en Unicode :

U+2661 ♡ kalon gleuz
U+2665 ♥ kalon leun, hag a c'haller kaout dindan Windows dre <Alt+3>
U+2764 ❤ kalon vras leun
U+2765 ❥ kalon vras leun gourvezet

Kartoù

Kartoù keur, en ur c'hoari c'hartoù

Er c'hoarioù kartoù e meur a vro (Bro-C'hall, Breizh-Veur...) ez eo skeudenn ar galon arouez unan eus ar pevar rummad, anvet "keur", e-kichen ar c'hartoù pikez, treuflez ha karo.

Ardamezouriezh

Ardamezioù Vande

Familhoù Breizh

	Caillaud de la Tour En glazur e dreustell en argant karget gant ur c'halon en gul, hag heuliet ouzh kab gant ur manal en aour hag ouzh beg gant div steredenn ivez en aour
	Du Chesne Aotrounez al lec'h-se e Gwern-Porc'hoed En argant e deir c'halon en gul kurunet en aour, 2, 1.
	De Garic Aotrounez Troguern (Traon ar Wern), e Trebeurden En argant e galon en gul kurunet en aour.

Kêrioù Breizh

	Gwikomm En glazur e oan-Fask en argant e groaz en gul ; e gab en aour karget gant ur galon en gul treuzet gant ur saezh ivez en gul.
	Kalveg
	Korzed Corsept e galleg ; ardamezioù kanus^[1]. En glazur e seizh kalon en aour, 3, 2, 1, 1.

Notennoù

↑ Cor "kalon" + sept ""seizh".

[1] Cor "kalon" + sept ""seizh".

[1]