Loa-dour
Loaioù-dour
a reer e brezhoneg eus plant a gresk hag a vleugn en dour dous : lennoù, loc'hoù, stankoù, ha dourredennoù gorrek o c'has. E strad an dour e vez gwrizioù ar plant, a c'hall bezañ ken hir ha 5 metr, ha war ar gorre e vez o delioù bras pe vrasoc'h hag o bokedoù.
Rummataouriezh
kemmañE pevar (4) c'herentiad emañ renket ar pevarzek (14) genad hag ar c'hant pevar ha tri-ugent (164) spesad loaioù-dour anavezetañ.
| Riezad | Plantae | |||
| Isriezad | Tracheobionta | |||
| Skourrad | Magnoliophyta | |||
| Kevrennad | Magnoliopsida | |||
| Iskevrennad | Magnoliidae | Asteridae | ||
| Urzhad | Nymphaeales | Solanales | ||
| Kerentiad | Cabombaceae Rich. ex A.Rich. 1822 |
Nelumbonaceae A.Rich. 1827 |
Nymphaeaceae Salisb. 1805 |
Menyanthaceae Dumort. 1829 |
|---|---|---|---|---|
| Genadoù | 2 | 1 | 5 | 6 |
| Spesadoù | 8 | 2 | 78 | 76 |
 Brasenia schreberi Gmel. 1791 |
 Nelumbo nucifera Gaertn. 1788 |
,_Ciudad_Ho_Chi_Minh,_Vietnam,_2013-08-14,_DD_02.jpg) Nymphaea nouchali Burm.f. 1768 |
 Nymphoides indica (L.) Kuntze 1891 | |
Deskrivadur
kemmañEus an atredoù naturel en em vergn e strad an dour izel chag pe chakoc'h e kresk un dangorzenn betek ar gorre ma tispak delioù damgelc'hiek asket-don el lec'h m'eo stag korf an delienn ouzh al lostig.
War-neuñv e chom an delioù hag ar bokedoù, a gresk war-eeun diwar an dangorzenn dre lostigoù hir.
Gounezerezh
kemmañEus an urzhad Nymphaea e teu al loaioù-dour a c'hounezer el liorzhoù (daoust d'an nav nénuphars dont eus Nufar lutea en urzhad Solanales), ha hroned eo an darn vuiañ anezho.
Anvioù
kemmañ- Loa-dour
An anv-se a voe roet gant H. du Rusquec en e c'heriadur galleg-brezhoneg (1886) evit ar pennger MACLE[1] ; macre eo anv gallek all ar blantenn-se, Trapa natans er c'herentiad Haloragaceae, ha kistinenn-dour e brezhoneg[2].
- Loa-zour
- Loaioù-dour eo an anv paotañ evit ar plant eus ar c'herentiad Nymphaeaceae[3],[4],[5],[6],[7],[8].
- Skudell-dour
- Dre fazi e reer skudell-dour eus plant ar c'herentiad Nymphaeaceae, da heul Roparz Hemon[9] rak
nénuphars
n'int ket, pa'z int izili eus ar c'herentiad Araliaceae, plant-red a gresk e metoù gleb. Hydrocotyle vulgaris eo anv skiantel ar spesad, a zo anvetécuelle d'eau
e galleg — alese ar fazi moarvat[10],[11].
Skeudennaoueg
kemmañ-
Victoria Cruziana -
Nymphaea Fabiola -
Nymphaea tetragona -
Boked loa-zour (© Yann Forget) -
Boked loa-zour ruz
.jpg)
Liammoù diavaez
kemmañ- (en) 'Plants of the World Online'. Kavet : 22/02/2022.
- (en) 'World Checklist of Selected Plant Families (WCSP). Kavet : 22/02/2022.
- (en) 'The World Flora Online'. Kavet : 22/02/2022.
- (en) 'Integrated Taxonomic Information System (ITIS). Kavet : 22/02/2022.
- (en) 'National Center for Biotechnology Information (NCBI). Kavet : 22/02/2022.
- (en) 'Germplasm Resource Information Network (GRIN). Kavet : 22/02/2022.
Notennoù ha daveennoù
kemmañ- ↑ 'Geriadur H. du Rusquec'. Kavet : 22/02/2022.
- ↑ Geriadur Ménard / MACRE.
- ↑ LOA-ZOUR, s. f. Nénufar ou lis d'étang, plante aquatique, Pl. loaiou-dour. Mot à mot CUILLER D'EAU. Voyez LUGUSTR. Dictionnaire breton-français de Le Gonidec, 1850.
- ↑ loa-zour f. loaioù-dour nénuphar. Geriadur brezhoneg-galleg Roparz Hemon, 6vet embannadur, 1978, pajenn 524b.
- ↑ NÉNUFAR (M.) Loa-zour (F.), Dictionnaire classique français-breton, Levrenn VII, pajenn 2401a, miz Kerzu 1990.
- ↑ Devri : loa-zour f. loaioù-dour
- ↑ NÉNUPHAR loa-zour f. loaioù-dour; kaolenn-zour f.; kaol-dour coll.; loa-ran f. loaioù-raned; loa-skignan f.; loaioù-skignaned, Dictionnaire français-breton (Martial Ménard), 2012, pajenn 911a ; 2020, pajenn 902b.
- ↑ TermOfis Ofis publik ar brezhoneg : nénuphar (général) | loa-zour | b. | loaioù-dour (étudié).
- ↑ kudell-dour f. nénuphar. Geriadur brezhoneg-galleg Roparz Hemon, 6vet embannadur, 1978, pajenn 738b.
- ↑ Devri : skudell-zour f. skudelloù-dour (botanique) Hydrocotyle Hydrocotyle vulgaris.
- ↑ HYDROCOTYLE (Hydrocotyle vulgaris) skudell-zour f. skudelloù-dour, Dictionnaire français-breton (Martial Ménard), 2012, pajenn 694a ; 2020, pajenn 689b.