Kanton Karantoer (1790)

Krouet e voe Kanton Karantoer e 1790^[1]. Ur rann velestradurel ha lezvarnel hag ur bastell-vro dilenn eus Bann Roc'h-an-Argoed e departamant ar Mor-Bihan e oa. Teir c'humun a oa ennañ:

An Templ, bet dilamet ha staget ouzh kumun Karantoer e 1792,
Karantoer (pennlec'h),
Treal^[2].

Dilamet e voe gant ar Goñvañsion e miz Even 1793 hag adsavet gant ar C'huzul-Ren hervez ar Vonreizh bet votet d'ar 26 a viz Here 1795. Miret ha brasaet e voe gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. Gant ar memes lezenn e voe staget kumunioù kanton Gazilieg outañ, d.l.e.:Gazilieg, Felgerieg-al-Lann, Glenneg, Kornon ha Sant-Varzhin-an-Oud. E 1837 e voe lakaet Gazilieg da bennlec'h ar c'hanton, deut da vout anvet kanton Gazilieg neuze^[3]^,^[4].

Notennoù ha daveennoù

↑ Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 63
↑ Cassini - EHESS - Treal - Fichenn ar gumun
↑ Cassini - EHESS - Karantoer - Fichenn ar gumun
↑ Kemenn roueel gant Loeiz-Fulup Iañ d'an 20 a viz Genver 1837

[1] Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 63

[2] Cassini - EHESS - Treal - Fichenn ar gumun

[3] Cassini - EHESS - Karantoer - Fichenn ar gumun

[4] Kemenn roueel gant Loeiz-Fulup Iañ d'an 20 a viz Genver 1837

[1]

[2]

[3]

[4]