Kriegsmarine

Morlu
Rann eus	Wehrmacht
Deiziad krouiñ	1 Mez 1935
Lealded	Trede Reich
Anv er yezh a orin	Kriegsmarine
Brezel	Brezel Spagn, Eil Brezel-bed
Stad	Trede Reich
Aozadur mamm	Wehrmacht
Sez sokial	Shell-Haus
Raklec'hiet gant	Reichsmarine
Heuliet gant	German Navy
Deiziad divodañ	21 Gou 1945
Commanded by	Erich Raeder, Karl Dönitz, Hans-Georg von Friedeburg, Walter Warzecha

Kriegsmarine (Morlu) a oa morlu alaman an Trede Reich eus 1935 betek 1945. Kemeret en doa plas ar c'h-Kaiserliche Marine (Morlu impalaeriel Alamagn), hini ar C'hentañ Brezel-bed, hag ar Reichsmarine, ar morlu alaman etre an daou vrezel. Ar C'hriegsmarine a oa unan eus an tri skourr ofisiel e nerzhioù lu an Trede Reich, gant an Heer (tirlu) hag al Luftwaffe (aerlu), an holl anezho suj d'ar Wehrmacht.

Ar C'hriegsmarine a oa bet diorroet prim e-pad an Aufrüstung, steuñv adarmañ ar morlu alaman e-pad ar bloavezhioù tregont (Feur-emglev Versailhez en devoa termenet un niver a vigi, ha difennet groñs da sevel listri-spluj alaman).

Ar c'hentañ gwech ma voe implijet ar morlu alaman a voe e-pad Brezel Spagn, pa voe kaset lod eus ar bigi brezel tro-dro ar vro e-pad ar brezel diabarzh spagnol. An digarez a oa evit ma vefe talet ouzh broioù all da gemer perzh er brezel. E gwirionez e oa ar morlu alaman ad-u gant Franco en oberiadur-brezel Ursula.

Bigi brezel

Pa oa kroget an Eil Brezel-bed, darn bigi ar Kriegsmarine a oa reoù modern: bliv, armet hag hobregonet mat. ur choaz e oa bet gant pennoù uhel al lu kement ha gant ar fed ober van da zoujañ ouzh difennoù Feur-emglev Versailhez a-fed flodadoù brezel. En desped da-se, pa oa kroget ar brezel, ar morlu alaman a oa dindan ar palioù bet fiziet dezhi met dreist-holl dindan reoù morlu Bro-C'hall ha Bro-Saoz.

U-Boot

Pennad spisoc'h U-Boot

Karl Dönitz oc'h evezhiañ Bazenn listri-spluj Sant-Nazer e Breizh, Even 1941

Pa voe kroget an Eil Brezel-bed, ar C'hriegsmarine ne oa ennañ nemet 57 lestr-spluj U-Boot.

An 10 U-Boat gwellañ e-pad an Eil Brezel-bed
274,333 tonenn (47 bag d'ar strad)	Otto Kretschmer
225,712 tonenn (43 bag d'ar strad)	Wolfgang Lüth
193,684 tonenn (34 bag d'ar strad)	Erich Topp
186,064 tonenn (29 bag d'ar strad)	Karl-Friedrich Merten
171,164 tonenn (34 bag d'ar strad)	Victor Schütze
171,122 tonenn (26 bag d'ar strad)	Herbert Schultze
167,601 tonenn (28 bag d'ar strad)	Georg Lassen
166,596 tonenn (22 vag d'ar strad)	Heinrich Lehmann-Willenbrock
162,333 tonenn (30 bag d'ar strad)	Heinrich Liebe
160,939 tonenn (28 bag d'ar strad), ouzhpenn da-se ar bigi-brezel HMS Royal Oak (08) e Scapa Flow	Günther Prien