Kumuniezh kumunioù Pempoull Goueloù

Kumuniezh kumunioù Pempoull Goueloù a oa anezhi un etrekumuniezh (ur gumuniezh-kumunioù) e departamant Aodoù-an-Arvor, e Breizh. Ul lodenn eus Bro Treger ha Goueloù eo. E Plourivoù edo renerezh ha melestradurezh ar gumuniezh-kumunioù. D'ar 1añ a viz Genver 2017 e oa deuet da vezañ Gwengamp-Pempoull Arvor-Argoad Tolpad-kêrioù, goude kendeuziñ gant c'hwec'h etrekumuniezh-all.

Kumunioù

Kumuniezh kumunioù Pempoull Goueloù a yae 9 c’humun d'ober anezhi:

Jean-Yves de Chaisemartin, maer Pempoull, abaoe miz Ebrel 2014.

E 2010 e vere ar gumuniezh-kumunioù ar barregezhioù da-heul:

Siberkumun
Lastez
Diorren ekonomikel: savet ez eus bet un ti an embregerezhioù ha takadoù artizanelezh a zo bet krouet
Skol Sonerezh
Poull-neuial: savet ez eus bet e 2001 ur poull-neuial nevez, galvet Islandia
Servijoù evit ar re vihan
Treuzdougen: ur servij gant ma vez goulennet a vez kinniget d'an dud
An endro: loc'het eo bet ar programm Agenda 21 e 2009
An dour: ar sindikad dour a zo bet ebarzhet e-barzh ar gumuniezh e 2010
Kantreourien: un dachenn ispisial a zo meret evito.

E distro-skol 2015 e oa enskrivet er skol Diwan hag er c'hlasoù divyezhek 80 skoliad (5,7% eus skolidi ar gumuniezh evit a sell ouzh ar c'hentañ derez)^[1]