Letanioù

Litanioù a vez lavaret, en Ilizoù katolik ha reizhkredennek, eus pedennoù dibunet e doare ur roll, gant un diskan : « pedit evidomp », pe « ora pro nobis » e latin. Daou seurt a zo anavezet dreist ar re all:

• litanioù ar Werc'hez, pe litanioù Loreto,
• Litanioù ar sent.

"Litanioù Loreto" hervez gwer-iliz Orbais-l'Abbaye e Champagn, e Bro-C'hall.

"Litanioù ar sent" e breviel Aberdeen (1509) (OpN a zo evit « ora pro nobis »)

Orin yuzev

Anavezet eo an doare pedennoù-se gant ar Yuzevien a-raok amzer Jezuz : er Salm 136, ma tibuner perzhioù hag oberoù an Aotrou e respont ar bobl : "hag e fealded a zo da viken".

Litanioù en arz

Gant litanioù Loreto eo bet awenet al liverien-gwer ha kizellerien.

• stankik e weler ar Werc'hez en ilizoù skeudennet hervez unan eus an anvioù graet anezhi;
• e porched pennañ iliz-veur Milano e weler kizelladurioù graet da skeudenniñ un toullad mat eus an an anvioù-se.

Er sonerezh

• 20 litani, gant František Tůma (XVIIIvet kantved), en o zouez al Lytaniae Lauretanae.
• Litanies, gant Jehan Alain (1911-1940).